Chempıondar lıgasy: «Qaırat» elıtaly raýndqa joldama aldy

ÝEFA Chempıondar lıgasynyń negizgi satysynda «Qaırat» pen «Aıat» qorytyndy matchtaryn ótkizdi.

Birinshi toptaǵy matchta «Qaırat» Franııanyń «Sportıng Parıj» klýbyn 3:2 esebimen utyp, týrnırdiń elıtalyq satysyna joldama aldy.

Kezdesýde «Qaırat» sapynan Dáýren Tursaǵulov 2-mınýtta esep ashsa, Kaıo Rýıs 24-mınýtta ekinshi goldy saldy. Al Dıego Favero 29-mınýtta úshinshi goldyń avtory atandy. Odan keıin «Sportıng Parıj» komandasy «Qaırattyń» qaqpasyna eki dop soqty.

Osyǵan deıin «Qaırat» Ispanııanyń «Palmasymen» 2:2 teń tússe, Belgııanyń «Halle-Gooık» klýbymen de 2:2 esebimen teń tarqasqan edi.

Elıtaly raýndtyń jerebe tartý rásimi 8 qarashaǵa josparlanǵan. Al matchtar 27-28 qarasha kúnderi ótedi.

«Aıat» komandasy Horvatııanyń «Pýla» klýbymen kezdesip, 2:5 esebimen jeńildi. Toptyń qorytyndy matchynda Rýdnyıdyń klýby jarys jolynan shyǵyp qaldy.

Dastan KENJALIN,

ASTANA