Sporttaǵy jyl úzdikteri anyqtaldy

Astanada sport salasyndaǵy jyldyń tańdaýly júldesi – «Jeńimpaz rýhy» ulttyq syılyǵynyń jeńimpazdary anyqtaldy. Bul týraly Mádenıet jáne sport mınıstrligi Sport jáne dene shynyqtyrý isteri komıtetiniń «Sportty damytý dırekııasy» respýblıkalyq memlekettik qazynalyq kásiporny habarlady.

Saltanatty keshte Mádenıet jáne sport mınıstrligi úzdik sportshylar, jattyqtyrýshylar, sport jýrnalısterin marapattap, jyl boıy atqarǵan eńbegine qurmet kórsetti. Qazylar alqasy tańdaǵan 14 nomınaııa boıynsha myna azamattar úzdik bolyp tanyldy:

1) «Jyldyń úzdik sportshysy» – Jámıla Baqbergenova (jazǵy sport túrlerinen) men Aleksandr Gerlı (qysqy sport túrlerinen);

2) «Jyldyń úzdik jattyqtyrýshysy» – Nursultan Temirov (jazǵy) pen Anton Jdanovıch (qysqy);

3) «Jyldyń úzdik akkredıttelgen sport federaııasy» – Ulttyq konkı tebýshiler federaııasy

4) «Jyldyń úzdik sport mekemesi» – Atyraý oblysy «Múgedekterdiń sport uıymy»;

5) «Jyldyń úzdik sport óńiri» – Qaraǵandy oblysynyń Dene shynyqtyrý jáne sport basqarmasy;

6) «Aýyldaǵy úzdik jattyqtyrýshysy» – Dastan Kanatbekuly Balabekov (Jetisý oblysy);

7) «Dene shynyqtyrý jáne sport bóliminiń úzdik mamany» – Irına Novıkova men Elena Galı (Astana);

8) «Jyldyń úzdik balalar jattyqtyrýshysy» – Samat Sapıshev (Shymkent);

9) «Oıyn túrleri boıynsha úzdik sport komandasy» – «Qýanysh» voleıbol klýby (SQO);

10) «Aýyldaǵy úzdik dene shynyqtyrý jáne sport bóliminiń ádiskeri» –Bekjan Adambekov (Túrkistan oblysy);

11) «Jyl jańalyǵy – úzdik sportshy» – Elena Rybakına;

12) «Jyldyń úzdik meenaty» – Qaıyrbek Sádýaqasuly Hamzın (SQO);

13) «Jastar men jasóspirimder arasyndaǵy úzdik sportshy» – Alan Qurmanǵalıev (ústel tennısi), Evgenıı Fedorov (velosport), Marııa Brovkova (kanoede eskek esý);

14) «Seıdahmet Berdiqulov atyndaǵy úzdik sport jýrnalısi» nomınaııasy – Aslan Qajenov, Ǵalym Súleımen, Bek Tóleýov.

Saltanatty keshtiń sońynda Mádenıet jáne sport vıe-mınıstri Serik Jarasbaev sóz alyp, jeńimpazdardy quttyqtady.

«Áýeli barlyq júldegerdi quttyqtaǵym keledi. Bıyl atap aıtar jeńisterimiz de kóp boldy. Búgin sol sáttiń jeńimpazdary osynda jınaldy. Memleket sporty damytý, sportshylardy yntalandyrý boıynsha bar jaǵdaıdy jasap jatyr. El sportyna serpin beretin birqatar zańnama da qabyldandy. Dese de alda jumys kóp. Kelesi jyly Olımpıadaǵa daıyndyqtyń qyzar shaǵy. Bizdiń quramalar barynsha kóp joldama ıelenýge baryn salmaq. Al maqsat — Parıjdegi basty básekede sátti óner kórsetý», — dedi ol.