SportPress.kz Qazaqstan sport jańalyqtary
Astanada Ulttyq sport túrleri qaýymdastyǵynyń alqa otyrysy ótti. Jıynǵa Mádenıet jáne sport mınıstri Ashat Oralov, qaýymdastyq prezıdenti Islambek Saljanov jáne ulttyq sport túrleri qaýymdastyǵynyń quramyna kiretin federaııalardyń basshylary qatysty.
Kezdesýde qaýymdastyqtyń bıylǵa arnalǵan damý strategııasy men jumys jospary tanystyrylyp, bekitildi.
Alqa otyrysynda sóz sóılegen mádenıet jáne sport mınıstri Ulttyq sport túrleriniń barlyq qazaqstandyq úshin erekshe mańyzy bar ekenin atap ótti.
«Qazaqstan olımpıadalyq sport túrlerinen álemdik arenalarda belgili bir deńgeıde jetistikterge jetti. Endi ulttyq sport túrlerinen de osyndaı bıikterdi baǵyndyrýdyń ýaqyty keldi», — dep atap ótti mınıstr.
Islambek Saljanov qaýymdastyq memleket pen qoǵamnyń yntymaqtastyǵy negizinde ulttyq sport túrleriniń turaqty damýynyń ekojúıesin qalyptastyrýǵa baǵyttalǵan jańa naqty qadamdar jasaǵanyn atap ótti.
Olardyń qatarynda quqyqtyq retteý júıesin jetildirýdi, Qazaqstannyń kóshpeli mádenıeti men ımıdjin shetelde ilgeriletýdi kózdeıtin josparlar bar.
«2022 jyldyń qyrkúıeginen bastap qaýymdastyq jumysynda ózgerister boldy. Sport túrleri boıynsha Ulttyq qaýymdastyq quramynda buryn bes federaııa bolǵan. Olar: kókpar, jamby atý, aýdaryspaq, teńge ilý, báıge federaııasy. Qazir bizge taǵy 4 federaııa qosyldy: dástúrli sadaq atý, toǵyzqumalaq, asyq atý jáne qusbegilik» — dedi qaýymdastyq prezıdenti.
Sonymen qatar jıynǵa qatysqandar 2024 jyly Qazaqstanda ótetin V Dúnıejúzilik kóshpendiler oıyndaryn ótkizý máselesin talqylady.
«V Dúnıejúzilik kóshpendiler oıyndarynyń ótetin ornyn anyqtamas buryn jaýapty memlekettik organ uıymdastyrý komıtetin quryp, ár federaııadan bir ókildi qosýy kerek», — dedi Toǵyzqumalaq federaııasynyń prezıdenti Álıhan Baımenov.
YPO Kazakhstan tóraǵasy Erlan Qojasbaı da V Dúnıejúzilik kóshpendiler oıyndaryn ótkizýge qatysty oıyn aıtty.
«Bul jumysqa bıznes turǵysynan qaraý kerek. Is-shara paıdaly bolýy kerek. Dúnıejúzilik kóshpendiler oıyndaryn ótkizý Olımpıada oıyndaryn ótkizýmen teń. Sondyqtan bolashaqta arnaıy salynǵan ǵımarattardy durys paıdalaný týraly oılaný qajet», — dedi Erlan Qojasbaı.
Ulttyq sport túrleri qaýymdastyǵy quramyna «Teńge Ilý», «Báıge», «Jamby atý», «Aýdaryspaq», «Kókpar», «Toǵyzqumalaq», «Qusbegilik» jáne «Asyq atý» sport túrleri boıynsha 9 ulttyq sport túrinen respýblıkalyq federaııalar kiredi.
Buǵan deıin Ulttyq sport qaýymdastyǵynyń basshylyq quramynda ózgerister boldy. 6 ulttyq sport túri boıynsha respýblıkalyq federaııalardyń basshylary saılandy.
Dastan KENJALIN,
ASTANA
