وليمپيادا چەمپيونى ولگا رىپاكوۆا كارەراسىن اياقتادى (ۆيدەو)

وليمپيادا چەمپيونى ءارى وليمپيادانىڭ كۇمىس جانە قولا جۇلدەگەرى، جەڭىل اتلەت ولگا رىپاكوۆا كاسىبي كارەراسىن رەسمي تۇردە اياقتادى.

قازاقستان جەڭىل اتلەتيكا فەدەراتسياسىنىڭ حابارلاۋىنشا، اتاقتى سپورتشى بۇل تۋرالى استانادا جەڭىل اتلەتيكادان وتكەن جابىق كەشەندەگى ح ازيا چەمپيوناتىندا حابارلادى.

ەلىمە ريزامىن! پرەزيدەنت پەن سپورت جەتەكشىلەرىنەن باستاپ مەنىڭ ەڭ جاس جانكۇيەرلەرىمە دەيىن ءبىر عانا، بىراق وتە ماڭىزدى نارسە – ماعان سەنىمدەرى ءۇشىن العىس ايتامىن. مەنى تۇلعا رەتىندە، كاسىپقوي سپورتشى رەتىندە تانىتۋعا مۇمكىندىك بەرگەن تاعدىرعا جانە قۇدايعا العىس ايتامىن، — دەدى ولگا رىپاكوۆا.

وتاندىق سپورتتىڭ دامۋىنا ۇلكەن ۇلەس قوسقانى ءۇشىن پرەمەر-مينيستر سپورتشىعا العىسحات جولدادى.

ءسىزدىڭ جارقىن جەڭىستەرىڭىز قازاقستاندىق جانكۇيەرلەردىڭ جۇرەگىندە ماڭگى قالادى. ءبىز ءسىزدىڭ سپورتقا جانە پرينتسيپتەرگە دەگەن ادالدىعىڭىزدى باعالايمىز. ەل بويىنشا مىڭداعان بالا سىزدەن ۇلگى الادى جانە وتاندىق جەڭىل اتلەتيكا ءداستۇرىن جالعاستىرادى. وتاندىق سپورتتى دامىتۋعا قوسقان ۇلەسىڭىز ءۇشىن زور العىسىمىزدى بىلدىرەمىز.

قۇرمەتپەن، پرەمەر-مينيستر ءاليحان سمايىلوۆ، — دەلىنگەن العىسحاتتا.

سالتانات سوڭىندا سپورتشى جانكۇيەرلەر الدىندا قۇرمەت شەڭبەرىن جۇگىرىپ ءوتتى.

شامكەن بايىربەك،

فوتو: مادەنيەت جانە سپورت مينيمسترلىگى سپورتتى دامىتۋ ديرەكتسياسى

استانا

 

View this post on Instagram

 

A post shared by Kazakhstan Olympic Team (@olympickz)