ماڭعىستاۋ سپورتىنا جاڭاشا كوزقاراس كەرەك

ماڭعىستاۋ وبلىسى مۇنايلى اۋدانىنىڭ باسقۇدىق اۋىلىنا پارلامەنت ءماجىلىسىنىڭ دەپۋتاتتىعىنا كانديدات ەدىل جاڭبىرشين مەن وبلىستىق ءماسليحات دەپۋتاتتىعىنا ۇمىتكەر ارحيمەد بۋركيتباەۆ باستاعان ازاماتتار باسقۇدىق بالالار-جاسوسپىرىمدەر سپورت مەكتەبىنە كەلىپ، جاتتىقتىرۋشىلارمەن كەزدەسۋ وتكىزدى.

سپورت مەكتەبى 2015 جىلى قولدانىسقا بەرىلدى. بىراق ءالى كۇنگە ستاديونى جوق. ءۇش سپورت تۇرىنەن (گرەك-ريم، دزيۋدو، ەركىن كۇرەس) 150-دەي سپورتشى ۇيىرمەگە قاتىسادى. بالا كوبەيگەن سايىن ءىشى تارلىق ەتەدى. اۋلامىزدان ستاديون سالىنسا — فۋتبول، ۆولەيبول، باسكەتبول ۇيىرمەلەرى اشىلسا، بالالار كوبەيەتىن ەدى.

كەزدەسۋدە دەپۋتاتتىققا ۇمىتكەرلەرگە سۇراق قويىپ، ماڭعىستاۋ سپورتىنداعى ءبىراز ماسەلەردى كوتەردىم. ءبىر جارىم ساعات كولەمىندە وبلىس پەن اۋدان سپورتىنا تولىق وزگەرىستەر كەرەك ەكەنىن ايتتىم. سۇراعىما جاۋاپ بەرگەن ەدىل تەرەكباي ۇلى مەنى مادەنيەت جانە سپورت ءمينيسترى اسحات ورالوۆپەن كەزدەستىرەتىنىن ايتتى.

1. اقتاۋدان سپورت مەكتەپ-ينتەرنات-كوللەدجىن سالۋ كەرەك.
2. وقۋ-جاتتىعۋ جيىنىن وتكىزەتىن سپورتتىق بازا كەرەك.
3. ماڭعىستاۋدان جازعى وليمپيالىق ويىنداردان چەمپيون شىعارۋعا جاعداي جاسالۋى كەرەك.
4. وبلىسىمىزدان قىسقى وليمپيادا جانە پاراليمپيادا مەن سۋردليمپيادا سپورتىن دامىتۋ كەرەك.
5. سپورت دارىگەرلەرى، مەنەدجەرلەر جانە ديەتولوگ ماماندىقتارىنا گرانت ءبولىپ، ستۋدەنتتەردى وقىتۋ كەرەك.
6. مۇنايلى اۋدانىندا 12000-نان استام جاسوسپىرىمدەر مەن جاستار سپورتپەن اينالىسادى. ولاردىڭ سانى جىل سايىن كوبەيىپ كەلەدى. وسى ورايدا اۋداندا سپورتتىق دەنە شىنىقتىرۋ ديسپانسەرىن اشۋ كەرەك.
7. سپورت باسقارماسى مەن اۋداندىق مادەنيەت جانە سپورت ءبولىمىنىڭ باسشىلارى ەكى جىلدا ءبىر رەت جاتتىقتىرۋشىلارىمەن كەزدەسىپ، جينالىس وتكىزۋى كەرەك.

كانديداتتار ۋادەسىن بەرىپ كەتتى. بۇل ازاماتتاردىڭ سايلاۋدا جەڭەتىنىنە سەنەمىن. ەندى ەل اماناتىنىڭ ورىندالۋىن كۇتەمىز.

ايبەك مۇحانوۆ،

ماڭعىستاۋ وبلىسى،

مۇنايلى اۋدانى