Ekibastuzda tuńǵysh ret sadaq atýdan jarystyń jalaýy jelbiredi (FOTO)

Ekibastuz qalasyndaǵy Máshhúr Júsip atyndaǵy ǵylym mektebiniń bazasynda qazaqtyń ulttyq sport óneriniń biri — sadaq atýdan eresekter men jasóspirimder arasynda ashyq birinshilik ótti.

Ashyq birinshilikti uıymdastyrǵan «Zerde» mamandyrylǵan daryndy balalarǵa arnalǵan lıeı-mektebiniń dene tárbıesi muǵalimi  Nurbek Muqyshevtiń aıtýynsha, atalǵan mektepte oqýshylar arasynda sadaq atý úıirmesiniń ashylǵanyna eki jyl boldy. Byltyr tórt oqýshy Qaraǵandyda ótken respýblıkalyq týrnırden oljaly oraldy. Eki jyl talmaı, júıeli  eńbek etýdiń arqasynda sadaq atý úıirmesi Qazaqstan dástúrli sadaq atý federaııasynan «Sarsadaq Qonys» mergender klýbynyń  lıenzııasyn aldy.

Al alǵash ret ótken ashyq birinshiliktiń ózine kelsek, onyń ashylý saltanatynda Ekibastuz qalasy ákimdiginiń mádenıet jáne tilderdi damytý, dene shynyqtyrý, sport bóliminiń basshysy Medǵat Manapov sóz sóılep, jas sadaqshylarǵa aqjoltaı tilek aıtty. Sodan keıin jańadan ashylyp, kópsalaly baǵytta jumys istep kele jatqan Máshhúr Júsip atyndaǵy ǵylym mektebiniń quryltaıshysy Erlan Amanjoluly sóz alyp, ulttyq rýhtyń asqaqtaýyna dástúrli ulttyq oıyndardyń mańyzy zor ekenin atap ótti.

Ashyq birinshilikke elimizdiń jer-jerinen komandalyq jáne jekeleı synda 120 sportshy qatysty. Atap aıtsaq, Ekibastuz, Pavlodar, Semeı, Qaraǵandy, Astana, Mańǵystaý, Atyraý qalalarynan, Aqsý-Aıýly, Buqar-Jyraý aýdandary (Qaraǵandy oblysy), Aıagóz (Abaı oblysy), Aqkól (Ekibastuz aýdany), Baıanaýyl jáne Baıanaýyl aýdanynyń Maıqaıyń, Qundykól, Egindibulaq aýyldarynan jasóspirim oqýshylar komandalary baq synady. Sonyń ishinde birinshilikke 7 jasar Nuralı Serik te qatysty.

Oıyn tártibi boıynsha 10 jasqa deıingi balalar 10 metrlik qashyqtyqtan adyrnasyn on ret tartyp, eki aınalym nysana kózdedi. Osy tártipte 10-15 jas aralyǵyndaǵy ul jáne qyz balalar saıysqa tústi. Eresekter 20, 25, 30 metr qashyqtyqtan jamby atty. Oıyn sát saıyn qyza tústi.  Sadaǵyn shirene tartqan sportshylar túgili jankúıerlerdiń delebesi qozdy. Sadaq tartyp qyzyqtaǵan  jankúıer: «Jebeni shirene tartyp, sadaqtyń shyqyrlaǵan daýysyn, jebeniń sýyldap ushqanyn estigende arqa qozyp, boıyńdy tylsym bir kúsh kerneıdi eken», — dep aıtyp jatty.

Jarys barysynda jeńimpazdarǵa kýboktar men aqshalaı demeýshilik kórsetken óńirlik kásipkerler men sharýa qojalyqtary, «KazLıderMeh» JShS basshysy Nurman Battalǵazyulyna, Marat Serikulyna jáne qalalyq dene tárbıesi baǵytynyń ádiskeri Azamat Dúısenbaıulyna alǵys aıtamyz. Týrnır Naýryz merekesine dóp kelgendikten  kıiz úı tigilip, as tartylyp, qymyz, naýryzkóje berilýi de alystan kelgen qonaqtarǵa degen qurmet edi.

Sadaq atý oıyny Pavlodar óńirinde KSRO kezindegi jetpis jylda, odan keıingi otyz jylda alǵashqy ret qolǵa alynyp otyrǵanyn eskerý kerek.  Desek te  qoldaý tapqanyna qýanamyz. Shuraıly qonys, alqapty jaıylym úshin jan alysyp, jan berisken zamanda Ertis-Baıan óńirinen shyqqan batyrlardyń erligi sózsiz. Biraq qazirgi tańda birin bilsek, birin bilmeı jatamyz. Solardyń biri Máshhúr Júsip kóp tomdyqtarynda erligi hattalǵan Baıanaýyl-Shiderti dalasyndaǵy qandy qaqtyǵysta kózge túsken, quralaıdy kózge atqan mergen, sadaqshy Qonys batyr bolǵan eken. Sol maıdannan keıin jurt mergendigin dáriptep, Sarsadaq Qonys dep atap ketse kerek.

Osy óńirden shyǵar bolashaq elimizdiń jáne halyqaralyq týrnırlerde top jarar jetkinshekterdi ata-babalarynyń arýaǵy jelep-jebep júrsin degen yrymnyń nyshany retinde mergender klýbyn «Sarsadaq Qonys» atadyq deıdi, — dedi Nurbek Muqyshev.

Jarysta eresekter arasynda bas júldeni Semeı qalasynyń «Alash» sadaq atý klýbynyń múshesi Dýlat Qysataı jeńip alsa, birinshi oryndy Qaraǵandynyń ókili, «Qaırat» ulttyq jáne at sporty túrleri mektebiniń ókili Nıkıta Chernıkov ıelendi. Al jankúıerler aldaǵy ýaqytta salqar óner sadaq atý sportyn budan da bıik deńgeıde kórinetinine senim bildirip, ashyq birinshilikti jalǵyz ózi uıymdastyrǵan Nurbek Muqyshevke alǵys aıtty.

 

Qarshyǵa MUQYSh,

FOTO: avtor

ASTANA

Ashyq birinshilik bastalar aldynda

Sadaǵyn shirene tartqan sportshylar

Jeti jasar mergen Nuralı Nurbekuly Serik

Tıdi!!!

Eresekter arasynda bas júldeni Semeı qalasynyń «Alash» sadaq atý klýbynyń múshesi Dýlat Qysataı jeńip aldy

«Qazaqtyń sadaq atý ónerine tántimin», deıdi «Qaırat» ulttyq jáne at sporty túrleri mektebiniń ókili Nıkıta Chernıkov

Tuńǵysh ashyq birinshilikti uıymdastyrýshy Nurbek Muqyshev balasy Nuralı Serikpen birge