SportPress.kz قازاقستان سپورت جاڭالىقتارى
بۇگىن استانا قالاسىنداعى «الاۋ» مۇزايدىنىندا كونكيمەن جۇگىرۋدەن IV قىسقى جاستار سپورت ويىندارى مارەسىنە جەتتى. جارىستىڭ سوڭعى كۇنى 1500 مەتر مەن ماسس-ستارتتا ۇزدىكتەر انىقتالدى.
ايەلدەر اراسىندا 1500 مەتردە استانالىق الينا داۋرانوۆا قارسىلاس شاق كەلتىرگەن جوق. داريا گاۆريلوۆا (استانا) كۇمىس، الەنا ليفاتوۆا (پاۆلودار وبلىسى) قولا مەدالگە يە بولدى. ەرلەر اراسىندا ۆاديم ياكۋبوۆسكي (قوستاناي وبلىسى) چەمپيون اتانسا، رومان بينازاروۆ (قوستاناي وبلىسى) پەن ميحايل گلۋششەنكو (الماتى) ودان كەيىنگى تۇعىر ساتىسىنا كوتەرىلدى.
ۇلتتىق قۇراما سپورتشىسى الينا داۋرانوۆا ماسس-ستارتتا دا مارەگە ءبىرىنشى كەلىپ، وسى ويىنداردا التىنشى التىن مەدالىن الدى. قالعان جۇلدەنى سولتۇستىك قازاقستان وبلىسىنىڭ وكىلى كريستينا جانە الينا شۋمەكوۆالار يەلەندى.
الينا داۋرانوۆانىڭ ءوزى جارىستا جاقسى ونەر كورسەتۋگە تىرىسقانىن ايتتى.
بۇل ماۋسىمدا بارلىق جارىستا بارىنشا جاقسى ناتيجە كورسەتۋگە تىرىستىم. العاش رەت ەرەسەكتەر اراسىندا سىنعا ءتۇستىم. مۇندا بىزبەن بىرگە جاسوسپىرىمدەر دە جارىستى. ولار ءۇشىن تاجىريبە جينايتىن تاپتىرماس الاڭ بولدى. ويىندارداعى كورسەتكىشتەرىمە كوڭىلىم تولادى. ءۇش كۇندە 6 التىن مەدال الدىم. ەندى از-كەم دەمالىستان سوڭ كەلەسى ماۋسىمعا دايىندىقتى باستايمىز، — دەدى ول.
ەرلەر اراسىنداعى تارتىستى سىندا الماتىلىق ابدىمالىك اسقاردىڭ مەرەيى ۇستەم ءتۇستى. ول كوماندالاسى ميحايل گلۋششەنكو مەن استانالىق رۋسلان جانادىلوۆتەن ءبىر تابان الدا بولدى.
كونكيمەن جۇگىرۋدەن IV قىسقى جاستار سپورت ويىندارىندا جالپى ەسەپتە استانا قالاسى جەڭىسكە جەتسە، قوستاناي وبلىسى ەكىنشى، الماتى قالاسىنىڭ كومانداسى ءۇشىنشى ورىنعا شىقتى.
جارىسقا 8 وبلىس پەن 2 قالادان بارلىعى 120 تاڭداۋلى كونكيشى قاتىستى.
داستان كەنجالين،
استانا
فوتو: مادەنيەت جانە سپورت مينيمسترلىگىنىڭ سپورتتى دامىتۋ ديرەكتسياسى
