Astanada IV qysqy jastar sport oıyndary aıaqtaldy

Búgin Astana qalasyndaǵy «Alaý» muzaıdynynda konkımen júgirýden IV qysqy jastar sport oıyndary máresine jetti. Jarystyń sońǵy kúni 1500 metr men mass-startta úzdikter anyqtaldy.

Áıelder arasynda 1500 metrde astanalyq Alına Daýranova qarsylas shaq keltirgen joq. Darıa Gavrılova (Astana) kúmis, Alena Lıfatova (Pavlodar oblysy) qola medalge ıe boldy. Erler arasynda Vadım Iakýbovskıı (Qostanaı oblysy) chempıon atansa, Roman Bınazarov (Qostanaı oblysy) pen Mıhaıl Glýщenko (Almaty) odan keıingi tuǵyr satysyna kóterildi.

Ulttyq qurama sportshysy Alına Daýranova mass-startta da márege birinshi kelip, osy oıyndarda altynshy altyn medalin aldy. Qalǵan júldeni Soltústik Qazaqstan oblysynyń ókili Krıstına jáne Alına Shýmekovalar ıelendi.

Alına Daýranovanyń ózi jarysta jaqsy óner kórsetýge tyrysqanyn aıtty.

Bul maýsymda barlyq jarysta barynsha jaqsy nátıje kórsetýge tyrystym. Alǵash ret eresekter arasynda synǵa tústim. Munda bizben birge jasóspirimder de jarysty. Olar úshin tájirıbe jınaıtyn taptyrmas alań boldy. Oıyndardaǵy kórsetkishterime kóńilim tolady. Úsh kúnde 6 altyn medal aldym. Endi az-kem demalystan soń kelesi maýsymǵa daıyndyqty bastaımyz, — dedi ol.

Erler arasyndaǵy tartysty synda almatylyq Ábdimálik Asqardyń mereıi ústem tústi. Ol komandalasy Mıhaıl Glýщenko men astanalyq Rýslan Janadilovten bir taban alda boldy.

Konkımen júgirýden IV qysqy jastar sport oıyndarynda jalpy esepte Astana qalasy jeńiske jetse, Qostanaı oblysy ekinshi, Almaty qalasynyń komandasy úshinshi orynǵa shyqty.

Jarysqa 8 oblys pen 2 qaladan barlyǵy 120 tańdaýly konkıshi qatysty.

Dastan KENJALIN,

ASTANA

FOTO: Mádenıet jáne sport mınımstrliginiń Sportty damytý dırekııasy