SportPress.kz قازاقستان سپورت جاڭالىقتارى
حالىقارالىق وليمپيالىق كوميتەت (حوك) رەسەيلىك جانە بەلورۋس سپورتشىلارىن ۋكرايناداعى سوعىسقا قارسى شىقسا عانا جارىستارعا جىبەرىلەتىنىن مالىمدەدى. بۇل تۋرالى rast.kz حابارلادى.
كەشە حوك-تىڭ پرەزيدەنتى توماس باح وليمپيالىق ويىندارعا قاتىستى وتكەن ءباسپاسوز ءماسليحاتىندا وسىلاي دەدى.
ونىڭ ايتۋىنشا، رەسەي مەن بەلارۋس سپورتشىلارى بۇل جاعدايدا بەيتاراپ تۋ استىندا جارىستارعا قاتىسا الادى. الايدا رەسەي مەن بەلارۋستىڭ ارنايى قىزمەت ورگاندارىمەن كەلىسىمشارت جاساسىپ قويعان، ەكى ەلدىڭ ارمياسىمەن نەمەسە ۇلتتىق قاۋىپسىزدىك قىزمەتىمەن بايلانىسى بار سپورتشىلارعا مۇنداي جەڭىلدىك بەرىلمەيدى.
سپورتشىلارعا جارىسقا قاتىسۋعا رۇقسات بەرۋ الدىندا ولاردىڭ سوعىس تاقىرىبىندا كوپشىلىك الدىندا ايتقان مالىمدەمەلەرى مەن پىكىرلەرى، سوعىستى قولداۋعا ارنالعان جيىندار مەن شەرۋلەرگە قاتىسقان-قاتىسپاعاندارى تولىق تەكسەرىلىپ، ەسكەرىلۋى ءتيىس، – دەدى باح.
دەگەنمەن ول كوماندالىق سپورت تۇرلەرى بويىنشا ونەر كورسەتەتىن سپورتشىلار وزگە ەلدەردىڭ تۋى استىندا دا جارىستارعا قاتىسا المايتىنىن ەسكەرتتى.
سونىمەن بىرگە ول رەسەي مەن بەلارۋس سپورتشىلارىنىڭ حالىقارالىق جارىستارعا، سونىڭ ىشىندە 2024 جىلى پاريجدە وتەتىن وليمپيالىق ويىندارىنا قاتىسۋ-قاتىسۋپاۋلارى ماسەلەسى ءالى تۇپكىلىكتى شەشىلمەگەنىن اشىق ايتتى.
