اتىراۋدا ارداگەرىن ۇلىقتاعان جارىس جالاۋىن كوتەردى

اتىراۋ وبلىسى، يساتاي اۋدانىنىڭ ورتالىعى اققىستاۋ اۋىلىندا دزيۋدو كۇرەسىنەن يساتاي اۋدانىنىڭ قۇرمەتتى ازاماتى، ەڭبەك ارداگەرى باقتىعالي عۇبايدۋلليندى ەسكە الۋعا ارنالعان 2003-2004 جىلدارى تۋعان جاسوسپىرىمدەر اراسىندا رەسپۋبليكالىق اشىق تۋرنير باستالدى.

تۋرنيرگە Əزەربايجان، وزبەكستان، قىرعىزستان جəنە ەلىمىزدىڭ تۇكپىر تۇكپىرىنەن كەلگەن 200-گە جۋىق جاس پالۋان 10 سالماق دəرەجەسىندە سىنعا تۇسۋدە.
ءدۇبىرلى جوبانىڭ اشىلۋ سالتاناتىن اۋدان əكىمى مارات مۋرزيەۆ قۇتتىقتاۋ سوزبەن اشىپ بەردى.

ودان كەيىن ءتۋرنيردىڭ قۇرمەتتى قوناعى، دزيۋدو كۇرەسىنەن قازاقتان شىققان تۇڭعىش əلەم چەمپيونى ەلدوس سمەتوۆ پەن جازۋشى، دراماتۋرگ رازىمجان وتارباەۆتار قاتىسۋشىلارعا سəتتىلىك تىلەدى.
رەسپۋبليكالىق «سپورت جۇلدىزدارى» جۋرنالىنىڭ باس رەداكتورى، پروفەسسور مۇساعالي تاسقاليەۆ اۋدان اكىمى مارات مۋرزيەۆ پەن ءتۋرنيردى ۇيىمداستىرۋشى ابات باقتىعالي ۇلىنا جۋرنالىمىز اتىنان ەستەلىك مەدالدار تابىس ەتتى.
اۋدان əكىمى مارات بيسەنعالي ۇلى مەن تۋرنير يەسى باقتىعالي اعامىزدىڭ ۇلى ابات عۇبايدۋللين ەلدوس سمەتوۆ پەن قر ەڭبەك سىڭىرگەن جاتتىقتىرۋشىسى، سامبو جəنە دزيۋدو كۇرەستەرىنەن شەبەرلەر اراسىندا əلەم چەمپيونى امانباي قىزدارباەۆتارعا شاپان جاۋىپ قۇرمەت كورسەتتى.
وسى ءتۋرنيردىڭ قۇرمەتتى قوناقتارى، اتىراۋ وبلىسىندا دزيۋدو كۇرەسىنىڭ نەگىزىن قالاۋشىلاردىڭ ءبىرى اسقار باكەنوۆ پەن شەبەرلەر اراسىندا əلەم چەمپيونى، سپورت ارداگەرى مارال كوشكىنوۆتەر قاتىسۋشىلارعا كۇرەستىڭ ادىستىستەرىن كورسەتتى.
ارداگەر سپورتشىلارعا دا عۇبايدۋلليندەر وتباسى اتىنان شاپان جابىلىپ، سىي-سياپات ۇسىنىلدى.
ەرتەڭ قازاق كۇرەسىنەن تۇيە پالۋاندار سايىسى باستالادى.

التىن عابيتقىزى،

اققىستاۋ اۋىلى

يساتاي اۋدانى

اتىراۋ وبلىسى.