Álem chempıonaty: jeti boksshymyz shırek fınalǵa shyqty

О́zbekstannyń astanasy – Tashkent qalasynda bokstan eresekter arasynda ótip jatqan álem chempıonatynyń toǵyzynshy kúni shırek fınalǵa shyqqan bokshylarymyz belgili boldy.

Keshe el namysyn Aslanbek Shymbergenov, Nurbek Oralbaı, Mahmud Sabyrhan, Dýlat Bekbaýov pen Nurqanat Raıys qorǵady.

Kúndizgi sessııada Aslanbek (71 kg) ızraıldik Mıroslav Kapýler-Iщenkony, al Nurbek Oralbaı (80 kg) tartysty jekpe-jekte túrkııalyq Kaan Aıkýtsýndy jeńdi. Ulttyq qurama kapıtany Shymbergenov qarsylasyn bir ret eseńgiretip, nokdaýnǵa da túsirdi. Endi kelesi kezeńde Aslanbek franııalyq sportshymen, Nurbek bolsa, Iordanııa boksshysymen qolǵap túıistiredi.

Keshki sessııanyń alǵashqy kezdesýinde rıngke shyqqan Mahmud Sabyrhan (54 kg) da jeńiske jetti. Ol úndi Sachındi utty. Sachın 2016 jyly jastar arasynda əlem chempıony atanǵan alǵashqy úndistandyq boksshy atanǵan. Endi Mahmud jartylaı fınal joldamasyn Gana eliniń boksshysy Amadý Muhamedpen sarapqa salady.

Qazaq-úndi boksshylary arasyndaǵy ekinshi kezdesý de elimizdiń paıdasyna sheshildi.

Dýlat Bekbaýov (67 kg) alǵashqy raýndta Akash Akashqa ese jibergenimen, qalǵan eki raýndta esh múmkindik bermeı, kelesi kezeńge joldama aldy. Otandasymyzdyń kelesi qarsylasy – meksıkalyq Martınes Mıgel Anhel.

Ulttyq qurama ókilderinen sońǵy bolyp rıngke shyqqan Nurqanat Raıys (75 kg) əlem chempıonatynyń júldesi úshin talastan tys qaldy. Ol brazılııalyq Vanderleı Pereıradan jeńildi.

Osyǵan deıin Sanjar Táshkenbaı, Serik Temirjanov pen Qamshybek Qonaqbaev shırek fınalǵa shyqqan bolatyn.

Tashkenttegi álem chempıonaty 14 mamyrǵa deıin bolady. Júlde úshin 104 elden jınalǵan 600-dan asa bylǵary qolǵap sheberi jınaldy. Jarys 13 salmaq dárejesi boıynsha bolyp jatyr.

Álem chempıondary Halyqaralyq boks qaýymdastyǵynan (IBA) 200 myń AQSh dollarynan alady. Kúmis júldegerlerge 100 myń, qola júldegerlerdiń árqaısysyna 50 myń AQSh dollary beriledi. Chempıonattyń jalpy júlde qory – 5,2 mln AQSh dollary.

Álem chempıonatyn Qazaqstan jáne Qazsport telearnasynan tikeleı efırde kórýge bolady.

Shamken BAIYRBEK,

ASTANA