جانىبەك ءالىمحان ۇلى قارسىلاسىن نوكاۋتپەن جەڭىپ، اتاعىن قورعاپ قالدى (ۆيدەو)

بۇگىن تاڭەرتەڭ WBO نۇسقاسى بويىنشا ورتا سالماقتاعى الەم چەمپيونى جانىبەك ءالىمحان ۇلى كانادالىق ستيۆەن باتلەردى ەكىنشى راۋندتا نوكاۋتقا جىبەرىپ، اتاعىن قورعاپ قالدى. بۇل تۋرالى rast.kz حابارلادى.

شايقاس اقش-تىڭ ستوكتون قالاسىندا ءوتتى. ول وسى كۇنگى كەستەنىڭ ەڭ باستى جەكپە-جەگى بولدى.

قازاقستاندىشش كاسىپقوي بوكسشى جانىبەك ءالىمحان ۇلى بۇل كەزگە دەيىن 13 رەت كاسىپقويلار رينگىنە شىعىپ، بارىندە دە جەڭىسكە جەتكەن، سونىڭ ىشىندە 8 شايقاستى نوكاۋتپەن اياقتاعان. ەندى نوكاۋت سانىن 9-عا جەتكىزدى.

جانىبەك – الەمنىڭ اۋەسقويلار اراسىنداعى 2013 جىلعى چەمپيونى.

ال كانادالىق بوكسشى ستيۆەن باتلەردىڭ كاسىپقويلار رينگىندەگى تاجىريبەسى مول ەدى. ول بۇل ۋاقىتقا 36 رەت شارشى الاڭعا شىعىپ، سولارلىڭ 32-ىندە جەڭىسكە جەتكەن، 3 رەت تەڭ ءتۇسىپ، 1 رەت ۇتىلعان، 26 ۇرىستى نوكاۋتپەن بىتىرگەن.

ءبىرىنشى راۋندتى بارلاۋمەن وتكىزگەن جانىبەك ەكىنشى كەزەڭدە باسەكەلەسىن ءۇش رەت نوكداۋنعا ءتۇسىردى، ال ءتورتىنشى مارتەسىندە رەفەري نوكاۋتتى انىقتاپ، شايقاستى توقتاتتى.

30 جاستاعى جانىبەك ءالىمحان ۇلى وسىمەن ەكىنشى مارتە چەمپيوندىق بەلبەۋىن قورعاپ وتىر. ول ءبىرىنشى رەت وتكەن جىلعى 12 قاراشادا وسىنداي سىناقتى باستان كەشىپ، بريتانيالىق دەنزەل بەنتليدى تورەشىلەر شەشىمىمەن جەڭگەن ەدى.

شايقاس «حابار» تەلەارناسىنان ترانسلياتسيا جاسالدى.

THE POWER IS REAL 😱@QazaqStyle x #JanibekButler pic.twitter.com/wcqJqFKr86

— Top Rank Boxing (@trboxing) May 14، 2023

.@QazaqStyle did not disappoint tonight 🍿@BoostMobile x #JanibekButler pic.twitter.com/qGpWuzefnH

— Top Rank Boxing (@trboxing) May 14، 2023

Good luck ✊ you are a warrior! pic.twitter.com/Zd3PNEO6QH

— Janibek Alimkhanuly (@qazaqstyle) May 14، 2023