SportPress.kz Qazaqstan sport jańalyqtary
Búgin tańerteń WBO nusqasy boıynsha orta salmaqtaǵy álem chempıony Jánibek Álimhanuly kanadalyq Stıven Batlerdi ekinshi raýndta nokaýtqa jiberip, ataǵyn qorǵap qaldy. Bul týraly rast.kz habarlady.
Shaıqas AQSh-tyń Stokton qalasynda ótti. Ol osy kúngi kesteniń eń basty jekpe-jegi boldy.
Qazaqstandyщ kásipqoı boksshy Jánibek Álimhanuly bul kezge deıin 13 ret kásipqoılar rıngine shyǵyp, bárinde de jeńiske jetken, sonyń ishinde 8 shaıqasty nokaýtpen aıaqtaǵan. Endi nokaýt sanyn 9-ǵa jetkizdi.
Jánibek – álemniń áýesqoılar arasyndaǵy 2013 jylǵy chempıony.
Al kanadalyq boksshy Stıven Batlerdiń kásipqoılar rıngindegi tájirıbesi mol edi. Ol bul ýaqytqa 36 ret sharshy alańǵa shyǵyp, solarlyń 32-inde jeńiske jetken, 3 ret teń túsip, 1 ret utylǵan, 26 urysty nokaýtpen bitirgen.
Birinshi raýndty barlaýmen ótkizgen Jánibek ekinshi kezeńde básekelesin úsh ret nokdaýnǵa túsirdi, al tórtinshi mártesinde referı nokaýtty anyqtap, shaıqasty toqtatty.
30 jastaǵy Jánibek Álimhanuly osymen ekinshi márte chempıondyq belbeýin qorǵap otyr. Ol birinshi ret ótken jylǵy 12 qarashada osyndaı synaqty bastan keship, brıtanııalyq Denzel Bentlıdi tóreshiler sheshimimen jeńgen edi.
Shaıqas «Habar» telearnasynan translıaııa jasaldy.
THE POWER IS REAL 😱@QazaqStyle x #JanibekButler pic.twitter.com/wcqJqFKr86
— Top Rank Boxing (@trboxing) May 14, 2023
.@QazaqStyle did not disappoint tonight 🍿@BoostMobile x #JanibekButler pic.twitter.com/qGpWuzefnH
— Top Rank Boxing (@trboxing) May 14, 2023
Good luck ✊ you are a warrior! pic.twitter.com/Zd3PNEO6QH
— Janibek Alimkhanuly (@qazaqstyle) May 14, 2023
