Qazaqstannyń alǵashqy raýndta oınaıtyn qarsylastary anyqtaldy
28 mamyrda tennısten Franııanyń ashyq chempıonaty – «Rolan Garros 2023» týrnıri bastalady. Osyǵan baılanysty áıelder men erler arasyndaǵy jekeleı syndaǵy jerebe tartý rásiminiń nátıjeleri belgili boldy.
Qazaqstannyń birinshi, álemniń 4-raketkasy Elena Rybakına irikteý kezeńderinen sátti ótken (kvalıfaıer) nemese irikteý kezeńiniń sońǵy kezdesýinde jeńilgen tennısshimen (lakı-lýzer) kezdesedi.
Iýlııa Pýtıneva birinshi aınalymda belgııalyq Marına Zanevskaıamen (88-raketka) oınaıdy.
Al erler arasynda Aleksandr Býblık te alǵashqy raýndta kvalıfaıermen nemese lakı-lýzermen kortqa shyǵady.
Búgin Qazaqstannyń ekinshi, álemniń 147-raketkasy Tımofeı Skatov «Rolan Garrostyń» irikteý saıysynyń fınalynda negizgi týrnırge joldamany sarapqa salady. Ol brazılııalyq Melıgenı Rodrıges Alves Felıpemen (165-raketka) kezdesedi. Buǵan deıin qazaqstandyq tennısshi irikteý saıysynyń alǵashqy eki matchynda jeńiske jetti.
Qazaqstandyq tennısshi irikteý saıystarynyń jartylaı fınalynda álemniń 119-raketkasy, fınlıandııalyq Otto Vırtanendi utty.
Osy match týraly aıtsaq, birinshi partııada fın tennısshisi 6:4 esebimen basym tústi. Esesine ekinshi sette qazaqstandyq sportshy 6:2 esebimen ese qaıyrdy. Ol úshinshi, sheshýshi partııada da 3:0 esebimen shyqty. Budan keıin O.Vırtanen tarazy basyn teńestirdi. Degenmen Skatov matchty taǵy bir breıkpen túıindedi. Esep – 7:5.
Eki saǵat 45 mınýtqa sozylǵan tartysty báseke barysynda Tımofeı 12 breık-poınttyń beseýin paıdalandy.
Endi búgin joǵaryda aıtqanymyzdaı, Skatov irikteý saıystarynyń fınalynda álemniń 165-raketkasy Melıgenı Rodrıges Alves Felıpemen oınaıdy. Eger Tımofeı brazılııalyq tennısshini utsa, alǵash ret Rolan Garrostyń negizgi dodasyna joldama alady.
Dastan KENJALIN,
ASTANA