SportPress.kz قازاقستان سپورت جاڭالىقتارى
You tube-تەگى QAZAQ RING ارناسىندا قازاقستاننىڭ ەڭبەك سىڭىرگەن سپورت شەبەرى، اسا اۋىر سالماقتا وليمپيالىق ويىنداردىڭ جانە اۋەسقوي بوكستان الەم چەمپيوناتىنىڭ كۇمىس جۇلدەگەرى، «پاراسات» وردەنىمەن يەگەرى مۇحتارحان دىلدابەكوۆ قازاقستان ۇلتتىق قۇراما كومانداسىنىڭ اسا اۋىر سالماقتاعى بوكسشىسى قامشىبەك قوڭقاباەۆتىڭ شارشى الاڭداعى جەكپە-جەكتەرى تۋرالى ويلارىن ايتتى.
2000 جىلعى سيدنەي وليمپياداسىنىڭ كۇمىس مەداليسى ۇلتتىق قۇرامانىڭ بوكسشىسىنا باتىلدىق جەتىسپەي تۇرعانىن ەسكەرتتى.
ازيا ويىندارى بولسى، باسقا جارىس بولسىن قازاق پەن وزبەكتىڭ باسەكەسى بار. جەڭىلگەن قارسىلاسىڭدى جەڭۋ ءۇشىن جۇمىس ىستەۋ كەرەك. قامشىبەكتىڭ مىسى بار. بىراق ونى ۇراتىن «قامشى» جوق. قامشىبەكتىڭ نوكاۋتقا جىبەرەتىن سوققىلارى جوق. ءتۇرتىپ جۇرەدى. ال وعان قارسىلاسىنان قاشپاۋ كەرەك. قامشىبەك سەنىمسىز بوكستاسادى.
سپورتتا ءومىر تەز ءوتىپ كەتەتىنىن بىلەسىزدەر عوي. ەندى قامشىبەك مەنىڭ وسى سوزدەرىمدى ەستىپ، اشۋ كەلىپ، ءبىر ويانار، — دەدى ول بوكسشىنى قايراپ.
ستۋديا قوناعى ازيا ويىندارىنا اتتانعان ۇلتتىق قۇراما كومانداعا ساتتىلىك تىلەپ، قازاق بوكسىنا قاتىستى باسقا دا ويلارىن ايتتى.
ەسكە سالا كەتسەك، كەشە بوكستان قازاقستاننىڭ ۇلتتىق قۇراما كومانداسى الماتى حالىقارالىق اۋەجايىنان قىتايدىڭ حانچجوۋ قالاسىنا XIX جازعى ازيا ويىندارىنا قاتىسۋ ءۇشىن ءبىرىنشى چارتەرلىك رەيسپەن ۇشىپ كەتتى.
بۇگىن ولار وليمپيادالىق قالاشىقتا ەلىمىزدىڭ مەملەكەتتىك تۋىنىڭ سالتاناتتى تۇردە كوتەرۋ راسىمىنە قاتىستى. ەندى بوكسشىلار ءتورت كۇن جارىسقا دايىندالادى. ۇلتتىق قۇرامانىڭ العاشقى جەكپە-جەكتەرى 25 قىركۇيەكتە بولادى.
تاعى ءبىر ايتاتىن نارسە، بيىلعى ازيادان كەيىن قبف پرەزيدەنتىنىڭ جەكە قاراجاتىنان سىياقىلار بەرىلەدى. التىن مەدال ءۇشىن چەمپيوندار 50 مىڭ اقش دوللارىن، كۇمىس جۇلدەگەرلەر 30 مىڭ اقش دوللارىن، قولا مەدال ءۇشىن 10 مىڭ اقش دوللارىن الادى.
قىتاي شارشى الاڭىندا ەل نامىسىن قورعايتىن بوكسشىلار:
51 كگ. ساكەن بيبوسىنوۆ
57 كگ. ماحمۇد سابىرحان
63،5 كگ. ەرتۋعان زەينۋلينوۆ
71 كگ. اسلانبەك شىمبەرگەنوۆ
80 كگ. نۇربەك ورالباي
92 كگ. ساعىندىق توعامباي
+92 كگ. قامشىبەك قونقاباەۆ.
داستان كەنجالين،
استانا
فوتو: Olympic.kz
View this post on Instagram
