XIX Azııa oıyndary: Qazaqstan qazirgi bessaıystan fınalǵa shyqty

Qytaıdyń Hanchjoý qalasynda ótip jatqan XIX Azııa oıyndarynda  Pavel Ilıashenko men Kırıll Stadnık qazirgi bessaıys jarysynyń fınalyna shyqty.

Irikteý kezeńinde sportshylar semserlesý, 10 metrden nysana kózdeý, 200 metrge júzý jáne 3 shaqyrymǵa júgirýden synǵa tústi. Fınalda osy jarystarǵa taǵy konkýr qosylady.

Búgin tústen keıin jartylaı fınalda Temirlan Abdraımov pen Georgıı Boroda-Dýdochkın fınalǵa shyǵý úshin baq synaıdy.

Áıelderdiń saıysynda jarysqa qatysýshylardyń sany az bolǵandyqtan Anastasııa Kochetkova, Elena Potapenko, Lıýdmıla Iakovleva men Krıstına Rıabova irikteýsiz, birden fınalǵa shyqty.

Erler men áıelderdiń fınaldary 24 qyrkúıekte bolady.  Úzdik bestikke kirgen sportshylar Olımpıada lıenzııalaryn ıelenedi. Munda bir elge tek bir joldama beriledi.

Dastan KENJALIN,

ASTANA

FOTO: olympic.kz