SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ءوتىپ جاتقان IV ازيا پارا ويىندارىندا نۇرداۋلەت جۇماعالي سۋعا ءجۇزۋ جارىسىندا التىن مەدال يەگەرى اتاندى. ول 200 مەتر قاشىقتىقتى 2 مينۋت 16:74 سەكۋندتتا ءجۇزىپ ءوتىپ، ازيا پارا ويىندارىنىڭ رەكوردىن جاڭارتتى.
تۋريزم جانە سپورت ءمينيسترى ەرمەك مارجىقپاەۆ سپورتشى جەڭىسىمەن قۇتتىقتادى.
نۇرداۋلەتتى وسى جەتىستىگىمەن قۇتتىقتايمىن! بۇگىن ءبىزدىڭ چەمپيونىمىزعا تەڭ كەلەتىن ەشكىم بولعان جوق. وعان ەلىمىزدىڭ تۋى استىندا جەڭىس جولىن جالعاستىرىپ، وتانداستارىن جارقىن جەڭىستەرىمەن قۋانتۋىن تىلەيمىن!، — دەدى مينيستر.
قازاقستان كومانداسى پاراۆولەيبولدان كۇمىس مەدال جەڭىپ الدى.
التىن مەدال ءۇشىن تارتىستى ويىندا قازاقستان قۇراماسى يران كومانداسىنا ەسە جىبەردى.
ەستەرىڭىزگە سالا كەتەيىك، ۆولەيبولدى وتىرىپ ويناۋدان قازاقستان قۇراماسى ازيا چەمپيوناتىندا كەلەسى جىلى پاريجدە وتەتىن پاراليمپياداعا جولداما العان بولاتىن.
ەسكە سالساق، كەشە قازاقستان سپورتشىلارى 1 التىن جانە 1 قولا مەدال يەلەندى.
دياس كەنجەبەك جۇزۋدەن التىن مەدال يەگەرى اتاندى. ول 100 مەتر قاشىقتىقتى 1 مينۋت 05:42 سەكۋندتا ءجۇزىپ ءوتىپ، ازيا جانە ازيا پارا ويىندارىنىڭ رەكوردىن جاڭارتتى.
ودان كەيىن پارا ۆەلوسپورتتان قازاقستان قۇراماسى قولا جۇلدەگە يە بولدى.
تاسجولداعى پارا ۆەلوجارىس توپتىق سايىسىندا ۇلتتىق قۇراما سپورتشىلارى كەنجەعۇل سەيىتجان مەن انتون لاۆرەنتەۆ مارەگە ءۇشىنشى بولىپ جەتتى.
داستان كەنجالين،
استانا
