رەسەي قۇراماسىنىڭ بۇرىنعى فۋتبولشىسى ەسىرتكىمەن ۇستالدى

فۋتبولدان رەسەي ۇلتتىق قۇراماسى، ماسكەۋدىڭ «تورپەدو»، توم قالاسىنىڭ «تومي» مەن «كراسنودار» كلۋبىنىڭ بۇرىنعى ويىنشىسى الەكسەي بۋگاەۆ ەسىرتكىمەن ۇستالدى. ودان جارتى كەلى مەفەدرون تابىلدى.

كراسنودار قالاسىنىڭ ميليتسياسى ەكس-فۋتبولشىنى 28 قازاندا قالانىڭ كالينين كوشەسىندە ۇستاعان. تەكسەرۋ كەزىندە ونىڭ قالتاسىنان ۇنتاققا ۇقساس پاكەت تابىلعان. ساراپتاما جاسالعاندا ول مەتيلەفەدرون بولىپ شىقتى.

وسىدان كەيىن 42 جاستاعى بۋگاەۆقا قىلمىستىق كودەكستىڭ 228.1 (ەسىرتكىنى جاساۋ جانە ونى ساتۋ) بابى بويىنشا قىلمىستىق ءىس قوزعالدى. ەگەر بۇرىنعى سپورتشى كىناسىن مويىنداسا، ول ومىرباقي باس بوستاندىعىنان ايىرىلۋى مۇمكىن.

قازىر ول ميليتسياعا باعىنباعانى ءۇشىن ۋاقىتشا قاماۋ يزولياتورىندا وتىر.

داستان كەنجالين،

استانا

فوتو: Baza telegram-ارناسى