Fýtboldan Qazaqstan-San-Marıno matchyna arnaıy avtobýstar aparady

Búgin Astana ýaqyty boıynsha saǵat 21.00-de J.Úshkempirov atyndaǵy Jekpe-jek saraıynda fýtboldan Eýropa-2024 chempıonatynyń irikteý týrnıriniń matchy tikeleı efırde kórsetiledi, dep habarlady elorda ákimdiginiń resmı saıty.

Translıaııa Qazsport telearnasynyń tikeleı efırinen beriledi. J.Úshkempirov atyndaǵy Jekpe-jek saraıyna kirý tegin bolady.

Jankúıerge Jekpe-jek saraıyna jetý úshin shattl-avtobýstar uıymdastyrylady. Olar saǵat 19.30-de «Astanalyq ırk», «Qazaqstan» SK, «Áziret Sultan» meshiti, «Ábý Nasyr Ál-Farabı» meshiti (Nur-Astana) men «Jastar» saraıynyń turaǵynan júredi.

Match aıaqtalǵannan keıin jankúıerler qosymsha qalalyq jáne qala mańyna qatynaıtyn №№10, 12, 21, 26, 27, 28, 37, 40, 49, 51, 53, 60, 303 avtobýstarmen qaıta alady. Olar Qabanbaı batyr dańǵylyndaǵy aıaldamada turady.