Ilıany jasyna qaramaı, jarysqa apardyq — jattyqtyrýshy Olımpıadadaǵy jeńis týraly

Shańǵymen tuǵyrdan sekirýden Qazaqstan komandasynyń aǵa jattyqtyrýshysy Qaırat Bıekenov Ońtústik Korenyń Kanvon provınııasynyń Kannyn qalasynda ótip jatqan qysqy jasóspirimder Olımpıadasynda alǵashqy altyn medaldi jeńip alǵan Ilıa Mızernyhtyń tarıhı jeńisi týraly aıtty.

Olympic.kz-tiń habarlaýynsha, Olımpıada bastalmaı turyp, Bıekenov Ilıa Mızernyhtan úlken úmit kútetinin, onyń bas júldeni jeńip alýǵa múmkindigi kóp ekenin aıtqan bolatyn. Bilikti jattyqtyrýshynyń boljamy dál kelip, jarystyń birinshi kúni shańǵymen tuǵyrdan sekirýden jasóspirimder Olımpıadasynyń chempıony atandy.

Ilıanyń jeńisi elimiz úshin úlken jeńis boldy. Ol Olımpıadaǵa qatysyp jatqan basqa sportshylarǵa úlken úmit, senim oıatty. Biz bárimiz Ilıanyń altyn júldesine qýanyp jatyrmyz. Bul Qazaqstan úshin de, elimizdegi shańǵymen tuǵyrdan sekirý sportshy úshin de úlken jetistik. Men buǵan deıin osy sportshynyń júldege talasatynyn aıttym. Aıtqanym ras bolyp shyqty. Biz Ilıany Oıyndarǵa maqsatty túrde daıyndadyq.

Ony jasyna qaramaı, eresekter quramasyna qostyq. Byltyrǵy qarashadan bastap ol eresekter arasyndaǵy Álem kýbogy kezeńderine qatysyp, tájirıbe jınaı bastady. Álem kýbogynda jıǵan tájirıbe Ilıaǵa Olımpıadada kómek boldy, — dedi Bıekenov.

Onyń aıtýynsha, jasóspirimder Olımpıadasynda Ilıa Mızernyhtyń qarsylastary týraly málimet múlde az bolǵan. Sol sebepti bar jaýapkershilik óz sportshylarymyzǵa artyldy.

Bar jaýapkershilikti ózimizge arttyq. Al qarsylastarǵa keler bolsaq, olardyń basym bóligin jarystarda baıqamadyq. Bári de jas sportshylar. Olar byltyr Álem kýbogy kezeńderine qatyspady. Dese de, bolashaqta olardan myqty atlet shyǵatyny sózsiz. Ilıa da óte eńbekqor bala. Bul jetistigine taza eńbekpen jetti, — dedi jattyqtyrýshy.

Ilıa Mızernyh Kanvondaǵy jasóspirimder Olımpıadasynda shańǵymen tuǵyrdan sekirýden 38 eldiń sportshysymen synǵa túsip, top jardy.