SportPress.kz Қазақстан спорт жаңалықтары
Былтыр ұлттық мотоспорт тарихында алғаш рет Uniserv Moto82 мотоцикл жарыстарының командасы EWC24 халықаралық жарысына әлемнің үздік жиырма командасының қатарынан көрінді. Қазақстан командасының бұл жетістігі әлем мамандарының назарын аударды, деп хабарлады Автомотоспорт федерациясы.
Uniserv Moto82 командасының бас демеушісі — Батыс Қазақстан облысындағы Uniserv компаниясы. Компанияның құрылтайшысы Нұрғазы Сәтбаев ұлттық мотоспортты, атап айтқанда ewc24 форматындағы жол жарысын дамытуды қолдайды. EWC-бұл жол мотожарысының 6-дан 24 сағатқа дейінгі төзімділікке арналған әлемдік турнирі.
Енді Uniserv Moto82 командасы биыл Франция, Бельгия мен Жапонияда өтетін айтулы (EWC 24) жарысқа қатысуды жоспарлап отыр.
Осыған орай бүгін Алматыдағы Қазақ спорт және туризм академиясында баспасөз мәслихаты болып, онда әлем чемпионаты мен еліміздегі автомотоспорттың жағдай туралы әңгіме болды. Оған Автомотоспорт федерациясының президенті М. Әбіқаев, Uniserv ЖШС құрылтайшысы Н.Сәтбаев, Uniserv moto82 командасының менеджері Карл Пешек, Йозеф Кубичек, Uniserv Moto82 командасының мотошабандоздары Карл Пешек, Дмитрий Прискоко, Мартин Вашулин қатысты. Мотоспортшы Карл Пешек — Uniserv moto82 командасының менеджері Карл Пешектің баласы.
Жиында команданың биылға жоспары мен міндеттері, Uniserv Moto82 командасының жарысқа дайындық кезеңі қаралды.
