«Наурызнама»: Астанада ұлттық ойындар көрсетіледі (ФОТО)

20 наурызда Наурыз мейрамын тойлау аясында Астанадағы «Арғымақ» ат-спорты кешенінде ұлттық спорт күніне арналған «НАУРЫЗНАМА: Ұлттық спорт күні» мерекелік іс-шарасы болады, деп хабарлады Астана қалалық Дене шынықтыру және спорт басқармасы.

Мерекелік іс-шарада көкпар, аударыспақ, теңге ілу, қыз қуудан көрсетілімдер және тоғызқұмалақ пен асық атудан шеберлік сабақтары жоспарланған.

Қонақтарға қазақы тазы және бүркіт көрсетіледі. Сондай-ақ, қолөнершілер жәрмеңкесі, ұлттық спорт ардагерлерін марапаттау рәсімі және мерекелік концерттік бағдарлама өтеді.

Іс-шара Туризм және спорт министрлігінің қолдауымен Ұлттық спорт қауымдастығы мен Астана қаласының әкімдігінің ұйымдастыруымен болады.

Кіру тегін.