Анна Данилина жыл үздігіне үміткер атанды

Әйелдер теннисі қауымдастығы (WTA) маусым қорытындысы бойынша анықталатын жылдың үздіктеріне үміткерлер тізімін жариялады, деп хабарлады Қазақстан теннис федерациясы.

Анна Данилина ресейлік Ирина Хромачёвамен бірге «Жыл дуэті» аталымы бойынша үміткерлер қатарына енді.

Сондай-ақ үміткерлер қатарында мына жұптар бар:

1.Габриэла Дабровски (Канада) мен Эрин Рутлифф (Новая Зеландия);

2.Анна Данилина (Қазақстан) мен Ирина Хромачёва (Россия);

3.Се Шувэй (Қытайлық Тайбэй) мен Элисе Мертенс (Бельгия);

4.Людмила Киченок (Украина) пен Елена Остапенко (Латвия);

5.Сара Эррани мен Жасмин Паолини (Италия);

6.Катержина Синякова (Чехия) мен Тэйлор Таунсенд (США).

Аталым жеңімпаздары теннис журналистерінің дауыс беру нәтижелері бойынша анықталады.

Анна мен Ирина биыл WTA санатында 7 титулға қол жеткізді. Соның ішінде Ухань (Қытай) WTA 1000 турнирі бар.

Қазақстан теннисшісі жұптық сында әлемдік рейтингіде жылды 22-орынмен қорытындылады.