Bokstan álem chempıonaty: bes sportshy kelesi aınalymǵa shyqty

Ispanııanyń La-Nýsııa qalasynda bokstan jastar arasynda ótip jatqan álem chempıonatynyń besinshi kúni sharshy alańǵa segiz boksshymyz kóterilip, beseýi kelesi aınalymǵa joldama alsa, úsh sportshy utylyp qaldy.

Kúndizgi sessııada sharshy alańǵa birinshi bolyp shyqqan Gúlnaz Bóribaeva (48 keli) japon qyzy Horı Rýkany jarys jolynan shyǵaryp tastasa, 75 kelidegi Dáýlet Tólemisov Germanııanyń boksshysy Semmo Malekti aıqyn basymdylyqpen utty.

50 kelidegi Anıta Adısheva mońǵol qyzy Sodan-od Bınderııany birinshi raýndta eki ret nokdaýnǵa jiberse, ekinshi raýnd bastalǵan boıda úshinshi nokdaýn tirkelgesin tóreshi jekpe-jekti toqtatyp, qazaq qyzynyń qolyn kóterdi.

54 kelidegi Elına Bazarova da qarsylasy japon qyzy Kokýfý Korındi birinshi raýndta eki ret nokýdaýnǵa jiberse, ekinshi raýnd bastalǵan boıda taǵy bir ret nokdaýnǵa jiberip, merziminen buryn jeńiske jetti. 67 kelidegi Nurbek Mursal ázerbaıjan Sanan Hatamovty erterek úıine qaıtardy.

О́kinishke qaraı, 48 kelidegi Ramazan Nurlybaev pen 54 kelidegi Jandáýlet Sársenbaevtar qarsylastaryna jol berip qoıdy. Osylaısha alǵashqy jekpe-jekterinde jeńiske jetken qos boksshymyz ekinshi kezdesýlerinde álem chempıonatyn aıaqtady. Bulardan bólek 51 kelidegi Islam Mashkentaev óziniń álem chempıonatyndaǵy alǵashqy jekpe-jeginde grýzın Davıd Djaparıdzeden utylyp qaldy.

Dastan KENJALIN,

ASTANA