Argentına fınalǵa shyqty

Fýtboldan Katarda ótip jatqan álem chempıonatynda Argentına quramasy jartylaı fınalda Horvatııa komandasyn 3:0 esebimen utyp, fınalǵa shyqty.

Bul kezdesýde argentınalyqtar sapynda birinshi goldy Lıonel Messı saldy. Ol 11 metrlik aıyp dobyn soǵyp, qaqpany dál kózdedi. Araǵa bes mınýt salyp Messı horvattardyń birneshe fýtbolshysyn aldap, komandalasy Hýlıan Alvarestiń esepti eseleýine múmkindik jasap berdi.

Úzilisten keıin Horvatııa sapynda birden úsh oıynshy tyńnan alańǵa shyqty. Biraq esepti qysqarta almady. Kerisinshe, 69-mınýtta Alvares Messıdiń pasynan keıin taǵy bir gol soqty. Qorytyndy esep  3:0 bolyp, Argentına osymen álem chempıonattarynyń tórtinshi ret fınalyna shyqty.

Messı álem chempıonattaryndaǵy 11-golyn soǵyp, Argentına quramasynyń mýndıaldegi úzdik surmergeni atandy. Sonymen qatar, ol álem chempıonatyndaǵy 25-matchyn ótkizip, Lotar Matteýstiń rekordyn qaıtalady.

Endi Argentına fınalda Franııa — Marokko matchynyń jeńimpazymen kezdesedi. Ekinshi jartylaı fınaldyq kezdesý búgin astana ýaqytymen saǵat 00.50-de bastalady.

Dastan KENJALIN,

ASTANA