Рыбакина Дубайда әлемнің бесінші ракеткасын ұтты

Елена Рыбакина Дубайда (БАӘ) өтіп жатқан World Tennis League командалық турнирінің топтық кезеңінде әлемнің 5-ракеткасы, Беларусь өкілі Арина Соболенконы ұтты.

«Қаршығалар» тобында өнер көрсететін Елена Рыбакина «Сұңқарлар» сапында шыққан қарсыласын 0:6, 6:1, 10:6 есебімен тізе бүктірді.

Бір сағатқа жуық уақытқа созылған матчта отандасымыз 6 эйс жасап, 4 брейк-пойнттың екеуін пайдаланды. А.Соболенко 2 эйс, 3 брейкпен көзге түсті.

Енді Е.Рыбакина германиялық Александр Зверевпен бірге 22 желтоқсанда аралас сында канадалықтар Феликс Оже-Альяссим – Эжени Бушармен кездеседі.

Дастан КЕНЖАЛИН,

АСТАНА