Біздің боксшылар қазақтардан мықты – Өзбекстанның Олимпиада чемпионы мәлімдеме жасады

Токио Олимпиадасының чемпионы Баходир Жалолов Өзбекстанның БАҚ-тарына берген сұхбатында Қазақстан мен Өзбекстан боксын салыстырып, қай елдің шаршы алаңда мықты екенін айтты.  

Боксшы таяуда Таиландта өткен 22 жасқа дейінгі спортшылар арасындағы Азия чемпионатының Өзбекстанның жеке жарысына айналғанын атап өтті.

Азия чемпионатында біздің елдің бокмсшылары 10 салмақ дәрежесінде болған айқастарда 9 алтын медальді жеңіп алды. Мұндай жағдай тарихта бұрын-соңды болмаған. Рас, былтыр әлем чемпионатында Қазақстан бізден көбірек жүлде алды. Онда боксшы әйелдердің нәтижелері де есепке алынды. Осы тұрғыдан алғанда олар бізден алда болды. Ал әйелдерді есептемегенде біз әрине, ірі жарыстарда Қазақстанның алдын орап келеміз. Біздің бокс қазақ боксынанмықты, –  деді ол.

Сонымен бірге ол қазақ пен өзбек боксының спорттың басқа түрлерінде сияқты бұрыннан бәсекелес болып келе жатқанын, Өзбекстанның әуесқой бокстан әлем үздігі саналатынын айтты.

Дастан КЕНЖАЛИН,

АСТАНА