مەسسي دە جاڭا كلۋبتى تاڭداپ قويدى

ارگەنتينا ۇلتتىق قۇراماسى مەن «پاري سەن-جەرمەن» كلۋبىنىڭ شابۋىلشىسى ليونەل مەسسي جاڭا كوماندانى تاڭدادى. ول ەندى كەلەسى ماۋسىمنان باستاپ امەريكا قۇراما شتاتتارىنىڭ MLS ليگاسىندا وينايتىن بولادى.

مەسسي «ينتەر مايامي» كلۋبىن تاڭدادى. ونىڭ بۇرىنعى كلۋبقا ورالاتىن ويى جوق سياقتى. ول اقش ليگاسىنا تاڭداۋىن جاسادى، — دەدى TNT Sports-تىڭ ءجۋرناليسى ەرنان كاستيلو.

قازىر MLS ليگاسىندا «ينتەر مايامي» تۋرنير كەستەسىندە سوڭعى ورىندا كەلەدى. بۇل ليگادا بارلىعى 15 كوماندا وينايدى.

ارگەنتينا قۇراماسىنىڭ شابۋىلشىسى «پاري سەن-جەرمەن» كلۋبىنىڭ ساپىندا سوڭعى رەت 3 ماۋسىمدا الاڭعا شىقتى. سول كۇنى ول «كلەرمون» كومانداسىنا قارسى وينادى. ودان كەيىن ونىڭ قاي ەلدىڭ كلۋبىندا وينايتىنى بەلگىسىز بولعان. كەيبىر دەرەكتە ول ساۋد ارابياسىنىڭ «ءال-حيلال» كومانداسىندا ويناۋى مۇمكىن دەلىندى. اراب ەلىنىڭ جاساعى وعان 1 ملرد 200 ملن ەۋرو تولەگەسى دە كەلگەن. ەگەر مەسسي «ءال-حيلال» كومانداسىنا اۋىسقان جاعدايدا بۇل فۋتبول تاريحىندا بۇرىن-سوڭدى بولماعان رەكوردتتىق كەلىسىمشارت بولاتىن ەدى. الايدا، ارگەنتينالىق ارابتارعا كەلىسمىن بەرمەي، اقش ەلىن تاڭداپتى. ەندى مىنە، بارلىق ماسەلە شەشىلدى.

مەسسي 2021 جىلدان باستاپ پاريجدىك كلۋب نامىسىن قورعادى. وتكەن ماۋسىمدا ارگەنتينالىق شابۋىلشى 58 ماتچقا قاتىسىپ، 22 گول سالىپ، 30 ناتيجەلى پاسپەن كوزگە ءتۇستى.

ول پسج-نىڭ قۇرامىندا ەكى رەت فرانتسيانىڭ چەمپيونى بولىپ، ءبىر رەت وسى ەلدىڭ سۋپەركۋبوگىنىڭ يەگەرى اتاندى. ودان بولەك بىلتىر ول ۇلتتىق قۇرامانىڭ ساپىندا الەم چەمپيونى اتاعىن جەڭىپ الدى.

مەسسي «التىن دوپ» سىيلىعىن جەتى رەت، «التىن بۋتسى» پرەمياسىن التى رەت العان تاريحتاعى جالعىز فۋتبولشى.

وسى اپتادا تاعى ەكى الەمدىك دەڭگەيدەگى اتاقتى فۋتبولشى باسقا كلۋبتارعا اۋىستى. ولار اقش-تى ەمەس، ساۋد ارابياسىن تاڭدادى. ەكەۋى دە ءمادريدتىڭ «رەال» كومانداسىندا ويناعان. ونىڭ ءبىرى – تەگى اراب، فرانتسيالىق كاريم بەنزەما «ءال-يتتيحاد» كلۋبىمەن ەكى جىلعا 200 ملن ەۋروعا كەلىسىمشارت جاساسا، ەكىنشىسى – حورۆاتيالىق لۋكاس مودريچ «ءال-ناسر» جاساعىن تاڭدادى. ول ەندى پورتۋگاليالىق كريشتيانۋ رونالدۋمەن ءبىر كلۋبتىڭ جەيدەسىندە الاڭعا شىعاتىن بولادى. رونالدۋ «ءال-ناسرمەن» ەكى جىلعا كەلىسىمشارتقا وتىرعان. ول جىلىنا كوماندادان 200 ملن ەۋرو الادى.

اتا اتالعان فۋتبولشىلاردىڭ ءبارى «التىن دوپ» سىيلىعىن العان.

داستان كەنجالين،

استانا