Býblık Ýımbldon týrnırin jeńispen bastady

Álemniń 26-raketkasy Aleksandr Býblık Ýımbldon týrnırin jeńispen bastap, jarystyń ekinshi aınalymyna shyqty.

Ol alǵashqy aınalymda dúnıejúzilik reıtıngte 54-orynda turǵan amerıkalyq Makkenzı Makdonaldpen oınap, ony 6:7 (3:7), 6:4, 6:4, 6:4 esebimen utty.

Birinshi partııada taı-breıkte amerıkalyq sportshy sátti oınap, Býblıkti 7:6 (7:3) esebimen jeńdi. Odan keıin ekinshi sette esep 4:4 bolǵan kezde Býblık breık jasap, esepti 6:4-ke jetkizdi.

Úshinshi sette qazaqstandyq tennısshi dop bergen kezde qatelik jiberip, qarsylasynyń breık jasaýyna jol berip qoıdy.  Degenmen esepti 4:4 etip, tarazy basyn teńestire aldy. Sodan keıin taǵy bir breıkke jasap, partııany óz paıdasyna sheshti. Esep  – 6:4.

Tórtinshi partııada Býblık taǵy da breık jasap, 3:1 esebimen alǵa shyqty. Sosyn partııany 6:4 esebimen aıaqtady.

Oıyn eki saǵat 49 mınýtqa sozyldy.  Match asa tartysty boldy. Osy oıynda Býblık 24 eıs jasap, 11 breık-poınttyń tórteýin paıdalandy.

Endi ol ekinshi aınalymda taǵy bir amerıkalyq, álemniń 48-raketkasy Djeffrı Djon Volfpen kortqa shyǵady.

Dastan KENJALIN,

ASTANA