قىتايدىڭ چەندۋ قالاسىندا ءوتىپ جاتقان ءحححى جازعى دۇنيەجۇزىلىك ويىنداردا قازاقستان قۇراماسىنىڭ قورجىنىنا تاعى ەكى جۇلدەمەن تولىقتى.
بۇگىن ەرلەر اراسىندا ۋشۋدان وتكەن جارىستىڭ جارتىلاي فينالىندا بەكسۇلتان قوسكەنوۆ (60 كگ) ما يگۋدەن 0:2 ەسەبىمەن ۇتىلىپ، قولا جۇلدەنى يەلەندى.
ايەلدەر اراسىندا ايگەرىم تورەحانوۆا (60 كگ) جارتىلاي فينالدا تۇركيالىق بەرنە تۋتتان جەڭىلىپ قالدى.
قازىر قازاقستان سپورتشىلارى 13 مەدال الىپ وتىر. ونىڭ ىشىندە 1 التىن، 5 كۇمىس، 7 قولا جۇلدە بار.
جازعى ۋنيۆەرسيادا 28 شىلدەدە باستالعان. ول 8 تامىزعا دەيىن بولادى. جارىستا 90 وتانداسىمىز سپورتتىڭ 10 سپورت تۇرىنەن سىنعا ءتۇسىپ جاتىر.
قازاقستان قۇراماسى مەدالدار كەستەندە ونىنشى ورىندا تۇر. كوشتى قىتاي قۇراماسى باستاپ كەلەدى. ولار 50 (30-10-10) مەدال يەلەندى. ودان كەيىنگى ورىندارعا 39 (15-12-12) جۇلدەمەن وڭتۇستىك كورەيا مەن جاپونيا سپورتشىلارى جايعاستى. كۇنشىعىس ەلىندە 32 (14-8-10) مەدال بار.
داستان كەنجالين،
استانا