«ونىڭ اقىسىن جەدى»: ترامپ گولوۆكين مەن «كانەلونىڭ» جەكپە-جەگى تۋرالى (ۆيدەو)

اقش-تىڭ ەكس-پرەزيدەنتى دونالد ترامپ UFC ۇيىمىنىڭ YouTube-تەگى ارناسىنا بەرگەن سۇحباتىندا بوكسشىلار گەننادي گولوۆكين مەن ساۋل «كانەلو» الۆارەستىڭ جەكپە-جەگىندەگى تورەشىلەردىڭ ادىلەتسىزدىگى تۋرالى ايتتى. سوسىن ول قازاقستاندىق بىلعارى قولعاپ شەبەرىمەن قالاي تانىسقانىن دا ايتىپ بەردى.

سۇحباتتا YouTube-تەگى ارناسىنىڭ جۇرگىزۋشىسى  دجيم نورتوننىڭ: «تورەشىلەردىڭ شەشىمى ءادىل بولدى ما؟»، دەگەن سۇراعىنا ترامپ: «بىلەسىز بە، ونىڭ (گولوۆكين، — رەد.) باسقا بوكسشىلاردان ايىرماشىلىعى كورىنىپ تۇردى. مەن ونىڭ جەكپە-جەگىن قاراپ ءجۇردىم. چەمپيون بولعانىندا قۋاناتىنمىن.  بىراق ونىڭ كەيبىر جەكپە-جەكتەرى… كىمگە قارسى ەكەنىن ايتۋ ماڭىزدى ەمەس. ول تۋرالى ايتقىم كەلمەيدى… قىسقاسى، گولوۆكيننىڭ اقىسىن جەدى. رينگتە جاقسى بوكستاسىپ ءجۇرىپ، ءوز جەڭە المادى. بۇل مەنىڭ جۇرەگىمدى قاق ايىردى. ونىڭ دە جۇرەگىن اۋىرتتى. ول جىگىت تاماشا بوكسشى ەدى، — دەدى ول  «كانەلومەن» جەكپە-جەكتە تورەشىلەردىڭ شەشىمىنە وكىنىپ.

تراپمتىڭ ايتۋىنشا، گولوۆكين سياقتى بوكسشىلار كوپ ەمەس. گولوۆكين – قاراپايىم بوكسشى. سول ءۇشىن ول قازاقستاندىق سپورتشىنىڭ بوكسىن تاماشالاپ، «كانەلومەن» جەكپە-جەگىن ادەيى كورۋگە بارعان.

ول كەزدە مار-ا-لاگودا (ترامپتىڭ فلوريدا شتاتىنداعى جەكە رەزيدەنتسياسى، — رەد.) ەدىم. بۇل جەردە كەرىلىپ-سوزىلىپ، وزدەرىن بيىك ۇستايتىن وتە كەربەز ادامدار تۇرادى. وسى كورشىلەرىمنىڭ اراسىندا وسى جىگىت، GGG بولدى. ول ۋاقىتتا گولوۆكين تۋرالى ءالى ەشتەڭە ەستىمەگەن ەدىم. ونى كورە سالا سپورتشى ەكەنىن ءتۇسىندىم. ول ماعان كەلدى دە: «مەنىڭ اتىم گەننادي گولوۆكين، GGG. مەن مەديسون-سكۆەر-گاردەندە ايقاسامىن»، دەدى. سول جەردە وىنمەن تانىسىپ، وزىمە قىزىق بولعان سوڭ، جەكپە-جەگىن كورۋگە باردىم، — دەدى ەكس-پرەزيدەنت.

سۇحباتتا ينتەرۆيۋرەر ترامپتىڭ تورەشىلەردىڭ ادىلەتسىزدىگى تۋرالى پىكىرىمەن كەلىسىپ، ءوز ويىن دا ايتتى.

شىنىندا دا مۇنداي قازىلاردان كەيىن بوكستى قايتا كورگىڭ كەلمەيدى ەكەن، — دەپ ول دا وكىنىشىن ءبىلدىردى.

ترامپتىڭ گولوۆكين تۋرالى ايتقانىن 26-مينۋتتان باستاپ كورۋگە بولادى.

داستان كەنجالين،

استانا