«Onyń aqysyn jedi»: Tramp Golovkın men «Kanelonyń» jekpe-jegi týraly (VIDEO)

AQSh-tyń eks-prezıdenti Donald Tramp UFC uıymynyń YouTube-tegi arnasyna bergen suhbatynda boksshylar Gennadıı Golovkın men Saýl «Kanelo» Alvarestiń jekpe-jegindegi tóreshilerdiń ádiletsizdigi týraly aıtty. Sosyn ol qazaqstandyq bylǵary qolǵap sheberimen qalaı tanysqanyn da aıtyp berdi.

Suhbatta YouTube-tegi arnasynyń júrgizýshisi  Djım Nortonnyń: «Tóreshilerdiń sheshimi ádil boldy ma?», degen suraǵyna Tramp: «Bilesiz be, onyń (Golovkın, — red.) basqa boksshylardan aıyrmashylyǵy kórinip turdy. Men onyń jekpe-jegin qarap júrdim. Chempıon bolǵanynda qýanatynmyn.  Biraq onyń keıbir jekpe-jekteri… Kimge qarsy ekenin aıtý mańyzdy emes. Ol týraly aıtqym kelmeıdi… Qysqasy, Golovkınniń aqysyn jedi. Rıngte jaqsy bokstasyp júrip, óz jeńe almady. Bul meniń júregimdi qaq aıyrdy. Onyń de júregin aýyrtty. Ol jigit tamasha boksshy edi, — dedi ol  «Kanelomen» jekpe-jekte tóreshilerdiń sheshimine ókinip.

Trapmtyń aıtýynsha, Golovkın sııaqty boksshylar kóp emes. Golovkın – qarapaıym boksshy. Sol úshin ol qazaqstandyq sportshynyń boksyn tamashalap, «Kanelomen» jekpe-jegin ádeıi kórýge barǵan.

Ol kezde Mar-a-Lagoda (Tramptyń Florıda shtatyndaǵy jeke rezıdenııasy, — red.) edim. Bul jerde kerilip-sozylyp, ózderin bıik ustaıtyn óte kerbez adamdar turady. Osy kórshilerimniń arasynda osy jigit, GGG boldy. Ol ýaqytta Golovkın týraly áli eshteńe estimegen edim. Ony kóre sala sportshy ekenin túsindim. Ol maǵan keldi de: «Meniń atym Gennadıı Golovkın, GGG. Men Medıson-skver-gardende aıqasamyn», dedi. Sol jerde oynmen tanysyp, ózime qyzyq bolǵan soń, jekpe-jegin kórýge bardym, — dedi eks-prezıdent.

Suhbatta ıntervıýrer Tramptyń tóreshilerdiń ádiletsizdigi týraly pikirimen kelisip, óz oıyn da aıtty.

Shynynda da mundaı qazylardan keıin boksty qaıta kórgiń kelmeıdi eken, — dep ol da ókinishin bildirdi.

Tramptyń Golovkın týraly aıtqanyn 26-mınýttan bastap kórýge bolady.

Dastan KENJALIN,

ASTANA