رىباكينا WTA ۇزدىك ۇشتىگىنەن شىعىپ قالدى

ايەلدەردىڭ تەننيس قاۋىمداستىعى (WTA) جاڭا رەيتينگتى جاريالادى.

دۇنيەجۇزىلىك رەيتينگتە قازاقستاننىڭ ءبىرىنشى راكەتكاسى ەلەنا رىباكينا ۇزدىك ۇشتىكتەگى ورنىن ساقتاپ قالا الماي، ءتورتىنشى ورىنعا ءتۇسىپ قالدى.

ال امەريكالىق دجەسسيكا پەگۋلا ءۇشىنشى ورىنعا كوتەرىلدى. رەيتينگتە يگا شۆەنتەك كوش باسىنداعى ورنىن ساقتادى. بەلارۋستىڭ وكىلى ارينا سوبولەنكو دا ەكىنشى ورنىن ساقتاپ قالدى.

قازىر ەلەنا رىباكينا كانادانىڭ مونرەال قالاسىندا وتەتىن WTA 1000 ماستەرس تۋرنيرىنە قاتىسۋ ءۇشىن جاتتىعۋ جۇمىستارىن باستاپ كەتتى. ول ءتۋرنيردى ەكىنشى اينالىمنان باستايدى. ونىڭ قارسىلاسى – امەريكالىق تەننيسشى دجەنيفەر برەدي. امەريكالىق سپورتشى ءبىرىنشى اينالىمدا الەمنىڭ 20-راكەتكاسى لاتۆيالىق ەلەنا وستاپەنكونى 7:6 (9:7)، 0:6، 7:6 (10:8) ەسەبىمەن جەڭىپ، سەنساتسيا جاسادى.

برەدي پەن رىباكينانىڭ ماتچى 9 تامىزدا شامامەن استانا ۋاقىتى بويىنشا ساعات تاڭعى 06.30-دا باستالادى.

داستان كەنجالين،

استانا