Rybakına WTA úzdik úshtiginen shyǵyp qaldy

Áıelderdiń tennıs qaýymdastyǵy (WTA) jańa reıtıngti jarııalady.

Dúnıejúzilik reıtıngte Qazaqstannyń birinshi raketkasy Elena Rybakına úzdik úshtiktegi ornyn saqtap qala almaı, tórtinshi orynǵa túsip qaldy.

Al amerıkalyq Djessıka Pegýla úshinshi orynǵa kóterildi. Reıtıngte Iga Shventek kósh basyndaǵy ornyn saqtady. Belarýstiń ókili Arına Sobolenko da ekinshi ornyn saqtap qaldy.

Qazir Elena Rybakına Kanadanyń Monreal qalasynda ótetin WTA 1000 Masters týrnırine qatysý úshin jattyǵý jumystaryn bastap ketti. Ol týrnırdi ekinshi aınalymnan bastaıdy. Onyń qarsylasy – amerıkalyq tennısshi Djenıfer Bredı. Amerıkalyq sportshy birinshi aınalymda álemniń 20-raketkasy latvııalyq Elena Ostapenkony 7:6 (9:7), 0:6, 7:6 (10:8) esebimen jeńip, sensaııa jasady.

Bredı pen Rybakınanyń matchy 9 tamyzda shamamen Astana ýaqyty boıynsha saǵat tańǵy 06.30-da bastalady.

Dastan KENJALIN,

ASTANA