Mańǵystaý oblysynda fýtbol stadıony men alańdary salynady

Aldaǵy ýaqytta Mańǵystaý oblysynda fýtbol satdıony men alańdary salynady. Bul týraly Qazaqstan fýtbol federaııasynyń basshysy Ádilet Barmenqulov pen oblys ákimi Nurlan Noǵaev aıtty.

Kezdesýde QFF basshysy elimizde sport ınfraqurylymyn jaqsartý úshin ÝEFA-men birigip, fýtbol alańdaryn jańartý baǵdarlamasynyń jasalǵanyn,  Mańǵystaý oblysyndaǵy eki aýylda fýtbol alańdarynyń qurylysy josparlanǵanyn atap ótti.

Memleket basshysy Qasym-Jomart Toqaevtyń tapsyrmasyna sáıkes, óńirlerde buqaralyq fýtboldy damytý — federaııanyń alǵa qoıǵan basym mindetteriniń biri. Biz ÝEFA-men birigip, fýtbol alańdaryn jańartý baǵdarlamasy jasadyq. Ol óńirlerdegi fýtbol ınfraqurylymyn jaqsartýǵa arnalǵan. Biz fýtbol alańdaryn salyp,  mıllıondaǵan adamnyń súıikti oıynyn qol jetimdi etýge tyrysamyz. Aımaq basshylarymen birigip, úlken jumysty josparlap otyrmyz. Sonyń biri — Mańǵystaý oblysynyń eki aýylynda fýtbol alańdaryn salý.  Bul jumys josparda bar. «Aýyldardaǵy fýtbol» baǵdarlamasy aıasynda aýyl jastary ózderiniń fýtbol mashyqtaryn damytýǵa múmkindik alady, – dedi QFF basshysy.

Sonymen birge kezdesýde fýtbol klýbtaryn tıimdi basqarý máselesi talqylandy. Osy rette, QFF basshysy Aqtaýdyń «Kaspıı» fýtbol klýbyn Qazaqstan fýtbol federaııasynyń baǵdarlamasyna qatysatyn alty klýbtyń biri bolatynyn atap ótti.

Bul baǵdarlama fýtbol klýbtaryn basqarýdaǵy kásibılik deńgeıin arttyrýǵa arnalǵan, – dedi Ádilet Barmenqulov.

Kezdesýde Mańǵystaý oblysynyń ákimi Nurlan Noǵaev buqaralyq sportty belsendi túrde nasıhattaý jáne tıisti ınfraqurylymdy damytý – ózekti másele ekenin aıtty. Osy oraıda, oblys ákimi óńirde sport nysandaryn kóbeıtý jáne qoldanystaǵy nysandardy jańǵyrtý boıynsha júıeli jumys júrgizilip jatqanyn,  «Jas Qanat» stadıonynda jabyndy aýystyrýǵa qarajat bólingenin, sondaı-aq, 4 shaǵynaýdandaǵy «Kaspıı» fýtbol klýbynyń sport kesheniniń janynda stadıon salý boıynsha joba ázirlengenin atap kórsetti.

Onyń aıtýynsha, aldaǵy ýaqytta Qazaqstan fýtbol federaııasy eki aýylǵa fýtbol alańdaryn salyp berse, ákimdiktiń qoldaýymen Aqtaýdaǵy «Kaspıı» fýtbol klýbynyń sport kesheniniń janynan stadıon salynady.

Qazaqstan fýtbol federaııasy

FOTO: Qazaqstan fýtbol federaııasy