Eshkimnen jeńilmegen boksshy Jánibek Álimhanulyn jekpe-jekke shaqyrdy (VIDEO)

Ulybrıtanııalyq kásipqoı boksshy Felıks Kesh Jánibek Álimhanulyn jekpe-jekke shaqyrdy.  24.kz telearnasynyń habarlaýynsha, Felıks Kesh búginge deıin 16 ret qolǵap túıistirip, sonyń bárinde jeńiske jetken. 10 jekpe-jekti ýaqytynan buryn aıaqtaǵan. Sonyń arqasynda ol WBO reıtınginde tórtinshi orynǵa kóterilgen.

«Qazaq staıl» (Álimhanulynyń laqap aty, — red.) kel aıqasaıyq. Judyryqtasatyn eshkim joq dep áli aıtyp júrsiń ǵoı. Menimen aıqasta saýdań bitedi, — dedi ol Twitter jelisinde.

Jánibek Álimhanuly dál osy tujyrym boıynsha chempıondyq beldiktiń ıegeri.

Qazaq boksshysynyń kásipqoı bokstaǵy kórsetkishi de óte jaqsy. Ol 14 ret jekpe-jekke shyǵyp, sonyń bárinde qarsylasyn jeńgen.

Jánibek Álimhanuly  sońǵy ret bıyl mamyr aıynda sharshy alańǵa shyqty. Sol kezde ol AQSh-ta uıymdastyrylǵan boks keshinde kanadalyq Stıven Batlerdi utyp, WBO tujyrymy boıynsha álem chempıony ataǵyn qorǵap qaldy. Al Felıks Kesh sońǵy ret byltyr jeltoqsanda rıngke shyqqan. Ol Anglııanyń Lıds qalasynda portýgalııalyq Kelso Neveshamen kezdesip, tóreshiler sheshimimen jeńiske jetken.