SportPress.kz Qazaqstan sport jańalyqtary
Olımpıada medaline úmitker sportshyǵa beriletin aı saıynǵy tólemniń mólsheri ózgeredi. Bul týraly Mádenıet jáne sport mınıstrligi habarlady.
Mádenıet jáne sport mınıstrligi joǵary sanatty sportshylar, jattyqtyrýshylar jáne joǵary sanatty sportshylardy daıarlaıtyn dene shynyqtyrý jáne sport salasyndaǵy mamandarmen sporttyq qyzmet týraly shart boıynsha aqsha tólemderiniń mólsherin bekitý týraly» buıryqqa ózgertýler ázirledi.
Buıryq jobasyna sáıkes, qoldanystaǵy qujatqa sportshylarmen jáne olardyń jattyqtyrýshylarymen jasalǵan shart boıynsha aı saıynǵy tólemniń eń tómengi jáne eń joǵary mólsherin anyqtaý krıterııleri bar tarmaqty qosý usynylady, — delingen habarlamada.
Atap aıtqanda, Olımpıada, Paralımpıada nemese Sýrdlımpıadanyń medaline úmitker sportshylarǵa aı saıynǵy tólem mólsheri sportshynyń aǵymdaǵy olımpıadalyq ıklde álem chempıonatynyń, Azııa chempıonatynyń nemese kýbogynyń ıegeri nemese júldegeri bolýyna baılanysty belgilenedi.
Qujattyń jańa redakııasynda somasy men tóleý merzimi ózgergen joq. Mysaly, Olımpıada medaline úmitker sportshy aı saıyn shartta belgilengen somanyń 50%–yn (700-den 7500 AQSh dollaryna deıin) alady, qalǵan bóligi medal jeńip alý boıynsha mindetteme oryndalǵan jaǵdaıda ǵana tólenedi, — dedi MSM Sport jáne dene shynyqtyrý isteri komıtetiniń tóraǵasy Erbol Myrzabosynov.
Onyń aıtýynsha, jattyqtyrýshylar men bas jattyqtyrýshylar Olımpıada, Paralımpıada, Sýrdlımpıadada, sondaı-aq olımpııalyq, paralımpııalyq, sýrdlımpııalyq sport túrlerinen eresekter arasyndaǵy álemdik jáne qurlyqtyq birinshilikterde medal jeńip alý boıynsha mindettemeni alýy tıis. Bul jattyqtyrýshy-keńesshilerge de qatysty. Biraq tek Olımpıada júldesine úmitker sportshylardy daıarlaýǵa qatysatyndarǵa ǵana qatysty, — dep habarlady vedomstvo.
