SportPress.kz قازاقستان سپورت جاڭالىقتارى
قازاقستان رەسپۋبليكاسى پرەزيدەنت ءىس باسقارماسى مەديتسينالىق ورتالىعىنىڭ اۋرۋحاناسى مەن «قازاقستاندىق سپورتشىلار وداعى» رقب ىنتىماقتاستىق تۋرالى مەموراندۋمعا قول قويدى. ەندى اۋرۋحانانىڭ سپورتتىق مەديتسينا ورتالىعىندا وتاندىق سپورتشىلار كونسۋلتاتسيالىق-دياگنوستيكالىق جانە حيرۋرگيالىق قىزمەتتەردى تەگىن الا الادى. بۇل تۋرالى استانا قالاسىنىڭ اكىمدىگى حابارلادى.
مەموراندۋمعا قول قويىلعان سوڭ، قر ءپىب مو اۋرۋحاناسىنىڭ سپورتتىق مەديتسينا ورتالىعىنىڭ باسشىسى اسقار بايمۇحامەتوۆ اتالعان قۇجاتتىڭ ءمانى مەن ماڭىزىن ايتسا، «قازاقستاندىق سپورتشىلار وداعى» رقب توراعاسى ازامات قارلىعاشەۆ بۇرىنعى جانە قازىرگى سپورتشىلارعا كومەك كورسەتكەنى ءۇشىن قر ءپىب مو اۋرۋحاناسىنىڭ باسشىلىعىنا العىس ءبىلدىردى.
سپورتشىلارىمىز مەن سپورت ارداگەرلەرى ەندى ساپالى مەديتسينالىق كومەك الا الاتىنىنا قۋانىشتىمىن! ەلىمىزدە سپورتشىلار ساپالى جانە وتە قاجەت مەديتسينالىق كومەك الا الماي جاتادى.
دەنساۋلىق ءبىزدىڭ باستى كاپيتالىمىز. ونسىز سپورتشى مانسابىن ءارى قاراي جالعاستىرا المايدى. ال مۇنداي جاعدايلار بىزدە وتە كوپ كەزدەسەدى، — دەدى ازامات قارلىعاشەۆ.
بۇل ماسەلەنىڭ وزەكتىلىگىن «قازاقستان سپورتشىلار وداعى» رقب تورالقا توراعاسى، وليمپيادا چەمپيونى سەرىك ساپيەۆ تە راستادى.
مەن سپورتتى تاستاپ كەتكەن ءبىراز ادامدى بىلەمىن. سپورتشىلار ءۇشىن مۇنداي مۇمكىندىك جاسالعانىنا قۋانىشتىمىن! ەندى سپورتشىلارىمىز جاراقاتتاردىڭ سالدارى ءۇشىن قورىقپاي، ساپالى مەديتسينالىق كومەك الا وتىرىپ، سپورتپەن شۇعىلدانۋدى جالعاستىرا الادى دەپ ۇمىتتەنەمىن، — دەدى ول.
قر ءپىب مەديتسينالىق ورتالىعى اۋرۋحاناسىنىڭ ديرەكتورى رۋستام الباەۆتىڭ ايتۋىنشا، قازىرگى جانە بۇرىنعى سپورتشىلاردى ەمدەۋ، وڭالتۋ جانە قالپىنا كەلتىرۋ ءۇشىن بارلىق جاعداي جاسالعان.
سپورتتىق مەديتسينا تەك وپەراتسيالار عانا ەمەس، ەڭ الدىمەن الدىن الۋ ءارى الدىن الۋ شارالارى. اۋرۋحانا بازاسىندا 2023 جىلدىڭ اقپانىندا سپورتتىق مەديتسينا ورتالىعى اشىلدى.
ورتالىق دارىگەرلەرى جىل سايىن شەتەلدە بىلىكتىلىگىن ارتتىرادى.
جاقىندا دارىگەرلەر يسپانيادا، كيرون ساليۋد اۋرۋحاناسىندا ۇلكەن ليگا فۋتبولشىلارىنا وپەراتسيا جاسايتىن ايگىلى پروفەسسور رامون كۋگاتتىڭ قول استىندا وقىدى. بارلىق ءادىس-تاسىلدەر وسىندا جەتكىزىلدى، بەلسەندى جۇمىس ىستەۋدە. سونداي-اق سپورتتىق مەديتسينا ورتالىعىندا سپورتشىلار كەڭەس الىپ، وپەراتسيا جاساتىپ قانا قويماي، قازاقستاننىڭ كەز كەلگەن ازاماتى تمككك جانە ءمامس شەڭبەرىندە وسى قىزمەتتەردى الا الادى.
