ءبىلىمدى مىڭدى جىعادى (فوتو)

مىنە، ايلار الىستاپ، كۇندەر سىرعىپ ءوتىپ جاڭا وقۋ جىلى باستالاتىن كەز دە كەلىپ جەتتى. الا جازداي اۋىلدارىنا بارىپ، اتا-انالارىنىڭ قاسىندا دەمالىستارىن كوڭىلدى-كۇيمەن وتكىزگەن وقۋشىلار ەندى جاڭا وقۋ جىلىنا بەلسەنە كىرىسەدى. سونىمەن قاتار، بويلارىندا سپورتقا دەگەن قۇمارلىعى جوعارى، تالانتى تاسىعان دارىندى جاسوسپىرىمدەر ەلدەگى سپورتقا ارنالعان بەدەلدى وقۋ ورىندارىنا ءتۇسۋدى ارمانداپ جولعا شىعارى بەلگىلى.

الماتى قالاسىنداعى كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ الدى قاربالاس. بالالارىن جەتەكتەگەن اتا-انالار، ۇستازداردان وقۋ جايىن سۇراستىرىپ، الاڭ-ەلەڭ كۇيدە. ءيا، اتا-انانىڭ تولقىپ تۇرعان كوڭىل-كۇيلەرىن جاقسى تۇسىنۋگە بولادى. ويتكەنى، بالاسىنىڭ بويىنداعى بارماقتاي تالانتىن ارشىپ ءوسىرىپ شىعاراتىن وسىنداي مەكتەپ-ينتەرناتتىڭ ەسىگىن اشىپ كىرگەن سوڭ جاقسى ۇلگەرىممەن وقۋعا ءتۇسىپ كەتسە ەكەن دەگەن جالعىز عانا ارماندارى بار ەكەنى بەلگىلى.

«بىلەكتى ءبىردى، ءبىلىمدى مىڭدى جىعادى»-دەگەن بابالارىمىز. كۇش-بىلىمدە. قانشا جەردەن جويقىن كۇشتىڭ يەسى بولساڭ دا ءبىلىم جوق جەردە جەڭىس جوق. سوندىقتاندا جاستىق شاقتا العان ءبىلىم تاسقا جازعان جازۋداي باستا قالاتىنىن ءسوزسىز. جاستىق شاق ادامعا ءبىر-اق رەت بەرىلەدى. سول سەبەپتى جاس جەتكىنشەكتەردىڭ بويىنا ءبىلىم ءنارىن ەگە وتىرىپ ىشتەگى بار تالانتىن اشا ءبىلۋ اتا-اناعا عانا ەمەس، وسكەن ورتا مەن ءبىلىم وردالارىنا تىكەلەي قاتىستى. سوندىقتاندا ايتۋلى مەكتەپ-كوللەدجدىڭ ۇستازدارى بالالاردى قابىلداپ الۋدا اسقان ۇقىپتىلىقپەن، ۇلكەن جاۋاپكەرشىلىكپەن قاراۋدا. كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ جاڭا وقۋ جىلىنا ارناپ بەكتىكەن وقۋشىلاردى قابىلداۋ باعدارلاماسىنا ساي سۇرىنبەي وتكەن دارىندى بالالار ءبىراۋىزدان قابىلدانىپ جاڭا وقۋ جىلىنا ازىرلىكتەرىن باستايدى.

مەكتەپ-ينتەرناتتىڭ باعدارلاماسى بويىنشا بالالاردى 13 سپورت تۇرىنەن قابىلدايدى. بيىلعى جىلى وقۋعا كەلۋشى بالالاردىڭ قاراسى قالىڭ. قۇجات تاپسىرۋشىلاردىڭ سانى 200 دەن اسىپ جىعىلادى.جاسوپىرىمدەردىڭ جانى قالاپ كوپتەپ تاسپىرع ان سپورت ءتۇرى ول دزيۋدو كۇرەسى ەكەن. مۇندا 50 بالا قۇجاتىن اكەلىپ وتكىزسە،ەركىن كۇرەس تۇرىنە 40 بالا تاپسىرعان. ءبىزدىڭ قازاقتىڭ قارا دومالاق بالالارىنىڭ وڭ جامباسىنا كەلەتىن دە وسى كۇرەس تۇرلەرى بولعاندىقتان تاڭعالاۋدىڭ قاجەتى از شىعار. وقۋعا تۇسۋدەگى بالاعا قويىلار باستى تالاپ ول وزدەرى تۋىپ وسكەن وڭىردە سپورتتىڭ قانداي ءتۇرى بولسا دا بەلگىلى ءبىر رازريادى بولۋى شارتتى ەكەن. سونىمەن قاتار، قازاقستان جانە ازيا چەمپيوناتتارىندا جۇلدە سالعان جاسوسپىرىمدەرگە جەڭىلدىك ايىرىقشا ەكەنى ايتپاسا دا بەلگىلى. ايتالىق، سۋ سپورتى، سەمسەرلەسۋ سەكىلدى سپورت تۇرلەرىنە دە قاراكوزدەرىمىز از بارىپ جاتقان جوق. جالپى، وسى مەكتەپتە وقيتىن جاس بۋىن كوپتەگەن ءىرى حالىقارالىق، الەمدىك، ەۋروپالىق ءتىپتى، وليمپيادالىق جارىستاردا جۇلدەلى ورىنداردان كورىنىپ، ەل نامىسىن ابىرويمەن قورعاپ جۇرگەندىگىن ەسكەرە وتىرىپ، بۇل وقۋ ورنىنا كەلىپ تۇسۋگە بەل بايلاعان جاسوسپىرىمدەرگە قويىلار تالاپ جوعارى ەكەندىگىن بىلگەن ءجون بولار. سوندىقتان مەكتەپ قابىرعاسىندا جۇمىس جاسايتىن ۇستازداردا سايدىڭ تاسىنداي سارالانىپ الىنعان ءوز ءىسىنىڭ ماماندارى. قابىلداۋ كوميسسياسىنىڭ قۇرامىندا وتىرعان كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ ديرەكتورى ەرنار تالاسبەك ۇلى يبرايموۆ دارىندى قازاق بالارىنىڭ مەكتەپكە كوپتەپ قابىلدانعانىن قالايدى.

ءيا، قازاق جاستارىنىڭ كۇرەس تۇرلەرى عانا ەمەس وزگە سپورت تۇرلەرىنەن جاسىنداي جارقىلداپ شىعارىنا سەنىم زور. ويتكەنى، ءبىزدىڭ قاراكوزدەر بارلىق جاعىنان تالانتتى دەگەن ويدى العا تارتامىز. قىراعى كوز باپكەرلەردىڭ تاڭداۋىنا ىلككەن جاس سپورتشىلاردى الداعى وقۋى جىلىندا تالماي، تاباندى ەڭبەكپەن، ايانباي بويداعى بارىن سارقىپ سالاتىن جاتتىعۋلار كۇتىپ تۇر. وسى جاسوپىرىمدەر ەرتەڭ الەم، وليمپيادا سايىستارىندا قازاق ەلىنە جۇلدە اكەلەر جارقىن بولاشاعىمىز دەپ بىلەمىز. وسى ماقالا دايىندالىپ جاتقاندا حورۆاتيانىڭ زاگرەب قالاسىندا دزيۋدو كۇرەسىنەن كادەتتەر اراسىندا ءوتىپ جاتقان الەم چەمپيوناتىندا ايتۋلى سپورت مەكتەپ-ينتەرنات كولەدجدىڭ 1 كۋرس ستۋدەنتى بالعاباي دوسبول 81كگ سالماق دارەجەسى بويىنشا قولا جۇلدەنى جەڭىپ الدى. بۇل شەتەل اسىپ جەتكەن ءسۇيىنشى حابار مەكتەپتىڭ عانا ەمەس ەلىمىزدىڭ قۋانىشىن ەسەلەي تۇسەرى ءسوزسىز. ەندەشە، بۇگىن وقۋعا قابىلدانىپ جاتقان جاس تالانتتار ەرتەڭ بالعاباي دوسبول سەكىلدى نارقاسقا بالۋان اعالارىنىڭ ءىزىن باسىپ ودان دا بيىك جەتىستىەتەرگە قول جەتكىزەر دەگەن ۇمىتتەمىز. سونىمەن بىرگە، وسى جىلى مەكتەپ تابالدىرىعىن اتتاپ جاندارىنا جاقىن دوس تاباتىن دارىندى جاستارعا، ءومىر اتتى ۇلكەن كۇرەس جولىندا تەك اقجول تىلەيمىز

اقىن ورداباي ۇلى،

الماتى