Bilimdi myńdy jyǵady (FOTO)

Mine, aılar alystap, kúnder syrǵyp ótip jańa oqý jyly bastalatyn kez de kelip jetti. Ala jazdaı aýyldaryna baryp, ata-analarynyń qasynda demalystaryn kóńildi-kúımen ótkizgen oqýshylar endi jańa oqý jylyna belsene kirisedi. Sonymen qatar, boılarynda sportqa degen qumarlyǵy joǵary, talanty tasyǵan daryndy jasóspirimder eldegi sportqa arnalǵan bedeldi oqý oryndaryna túsýdi armandap jolǵa shyǵary belgili.

Almaty qalasyndaǵy Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń aldy qarbalas. Balalaryn jetektegen ata-analar, ustazdardan oqý jaıyn surastyryp, alań-eleń kúıde. Iá, ata-ananyń tolqyp turǵan kóńil-kúılerin jaqsy túsinýge bolady. О́ıtkeni, balasynyń boıyndaǵy barmaqtaı talantyn arshyp ósirip shyǵaratyn osyndaı mektep-ınternattyń esigin ashyp kirgen soń jaqsy úlgerimmen oqýǵa túsip ketse eken degen jalǵyz ǵana armandary bar ekeni belgili.

«Bilekti birdi, bilimdi myńdy jyǵady»-degen babalarymyz. Kúsh-bilimde. Qansha jerden joıqyn kúshtiń ıesi bolsań da bilim joq jerde jeńis joq. Sondyqtanda jastyq shaqta alǵan bilim tasqa jazǵan jazýdaı basta qalatynyn sózsiz. Jastyq shaq adamǵa bir-aq ret beriledi. Sol sebepti jas jetkinshekterdiń boıyna bilim nárin ege otyryp ishtegi bar talantyn asha bilý ata-anaǵa ǵana emes, ósken orta men bilim ordalaryna tikeleı qatysty. Sondyqtanda aıtýly mektep-kolledjdiń ustazdary balalardy qabyldap alýda asqan uqyptylyqpen, úlken jaýapkershilikpen qaraýda. Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń jańa oqý jylyna arnap bektiken oqýshylardy qabyldaý baǵdarlamasyna saı súrinbeı ótken daryndy balalar biraýyzdan qabyldanyp jańa oqý jylyna ázirlikterin bastaıdy.

Mektep-ınternattyń baǵdarlamasy boıynsha balalardy 13 sport túrinen qabyldaıdy. Bıylǵy jyly oqýǵa kelýshi balalardyń qarasy qalyń. Qujat tapsyrýshylardyń sany 200 den asyp jyǵylady.Jasópirimderdiń jany qalap kóptep taspyrǵ an sport túri ol dzıýdo kúresi eken. Munda 50 bala qujatyn ákelip ótkizse,erkin kúres túrine 40 bala tapsyrǵan. Bizdiń qazaqtyń qara domalaq balalarynyń oń jambasyna keletin de osy kúres túrleri bolǵandyqtan tańǵalaýdyń qajeti az shyǵar. Oqýǵa túsýdegi balaǵa qoıylar basty talap ol ózderi týyp ósken óńirde sporttyń qandaı túri bolsa da belgili bir razrıady bolýy shartty eken. Sonymen qatar, Qazaqstan jáne Azııa chempıonattarynda júlde salǵan jasóspirimderge jeńildik aıyryqsha ekeni aıtpasa da belgili. Aıtalyq, sý sporty, semserlesý sekildi sport túrlerine de qarakózderimiz az baryp jatqan joq. Jalpy, osy mektepte oqıtyn jas býyn kóptegen iri halyqaralyq, álemdik, eýropalyq tipti, olımpıadalyq jarystarda júldeli oryndardan kórinip, el namysyn abyroımen qorǵap júrgendigin eskere otyryp, bul oqý ornyna kelip túsýge bel baılaǵan jasóspirimderge qoıylar talap joǵary ekendigin bilgen jón bolar. Sondyqtan mektep qabyrǵasynda jumys jasaıtyn ustazdarda saıdyń tasyndaı saralanyp alynǵan óz isiniń mamandary. Qabyldaý komıssıasynyń quramynda otyrǵan Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń dırektory Ernar Talasbekuly Ibraımov daryndy qazaq balarynyń mektepke kóptep qabyldanǵanyn qalaıdy.

Iá, qazaq jastarynyń kúres túrleri ǵana emes ózge sport túrlerinen jasyndaı jarqyldap shyǵaryna senim zor. О́ıtkeni, bizdiń qarakózder barlyq jaǵynan talantty degen oıdy alǵa tartamyz. Qyraǵy kóz bapkerlerdiń tańdaýyna ilkken jas sportshylardy aldaǵy oqýy jylynda talmaı, tabandy eńbekpen, aıanbaı boıdaǵy baryn sarqyp salatyn jattyǵýlar kútip tur. Osy jasópirimder erteń álem, Olımpıada saıystarynda qazaq eline júlde ákeler jarqyn bolashaǵymyz dep bilemiz. Osy maqala daıyndalyp jatqanda Horvatııanyń Zagreb qalasynda dzıýdo kúresinen kadetter arasynda ótip jatqan álem chempıonatynda aıtýly sport mektep-ınternat koledjdiń 1 kýrs stýdenti Balǵabaı Dosbol 81kg salmaq dárejesi boıynsha qola júldeni jeńip aldy. Bul shetel asyp jetken súıinshi habar mekteptiń ǵana emes elimizdiń qýanyshyn eseleı túseri sózsiz. Endeshe, búgin oqýǵa qabyldanyp jatqan jas talanttar erteń Balǵabaı Dosbol sekildi narqasqa balýan aǵalarynyń izin basyp odan da bıik jetistieterge qol jetkizer degen úmittemiz. Sonymen birge, osy jyly mektep tabaldyryǵyn attap jandaryna jaqyn dos tabatyn daryndy jastarǵa, ómir atty úlken kúres jolynda tek aqjol tileımiz

Aqyn ORDABAIULY,

ALMATY