Qazaqstan quramasy Azııa chempıonatynda jeńiske jetti

Taılandtyń soltústik-shyǵysyndaǵy Nakhonratchasıma qalasynda voleıboldan áıelder arasyndaǵy HHII Azııa chempıonatynyń ekinshi jarys kúni ótip jatyr.

Búgin D tobyndaǵy 2-týrda Qazaqstan quramasy Gonkong komandasyn 3:0 esebimen jeńdi. Match 25:16, 25:23, 25:17 esebimen aıaqtaldy.

Keshe ulttyq qurama Fılıppınmen oınap, taı-breıkte basym túsken. Endi otandastarymyz erteń Qytaı quramasymen toptaǵy sheshýshi oıynda kezdesedi. Jeńimpaz ben júldegerler 6 qyrkúıekte anyqtalady.

Bıylǵy chempıonatqa qurlyqtaǵy 14 el óz quramasyn jiberdi. Osyǵan deıin 2019 jyly ótken dodada Japonııa voleıbolshylary top jarǵan. Aldaǵy kúnderi úzdik shyqqan 3 quramaǵa Azııa atynan 2025 jylǵy álem chempıonatyna qatysýǵa joldama beriledi.

Shamken BAIYRBEK,

ASTANA