اقش-تا جانكۇيەر مەسسيگە بوتەلكە لاقتىردى (ۆيدەو)

اقش-تا ليونەل مەسسيگە جوعارى ليگا تۋرنيرىندە جانكۇيەر شابۋىل جاسادى. بۇل تۋرالى Daily Mail باسىلىمى حابارلادى.

جانكۇيەردىڭ ايگىلى فۋتبولشىعا بوتەلكە لاقتىرعان ءساتى ۆيدەوعا ءتۇسىپ قالعان. مەسسي «ينتەر مايامي» كلۋبىنا قارسىلاستارى لوس-اندجەلەس كومانداسىن جەڭۋگە كومەكتەسكەنى ءۇشىن كورەرمەندەردىڭ قارسىلىعىنا ۇشىرادى.

«ينتەر مايامي» جەڭىسىنەن كەيىن ليونەل مەسسيگە كورەرمەندەر سۋ بوتەلكەسىن لاقتىردى. ەكى رەت ناتيجەلى پاس بەرگەن مەسسي ءوز قورعاۋشىسىمەن الاڭنان شىعىپ بارا جاتقاندا، وعان بوتەلكە لاقتىرىلدى. الايدا ول فۋتبولشىعا تيگەن جوق، – دەپ جازدى Daily Mail.

ال كەلەسى ءبىر كادردان مەسسيدى جانكۇيەرىنىڭ ويىن الاڭىندا قۇشاقتاپ العانىن كورۋگە بولادى. الايدا ونى فۋتبولشىنىڭ قورعاۋشىسى ورتادان الىپ كەتتى.

ەركەعالي بەيسەنوۆ،

استانا

Who threw a water bottle at Messi man 😐

(via @axedd11) pic.twitter.com/r9ZrXY5y3n

— USMNT Only (@usmntonly) September 4، 2023