قازاقستان مەن فينليانديا ماتچىنىڭ تورەشىلەرى بەلگىلى بولدى

7 قىركۇيەكتە فۋتبولدان 2024 جىلعى ەۋروپا چەمپيوناتىنا ىرىكتەۋ تۋرنيرىندەگى قازاقستان مەن فينليانديا ۇلتتىق قۇراما كوماندالارى اراسىندا وتەتىن ماتچتىڭ تورەشىلەرى انىقتالدى.

بۇل ماتچتىڭ باس تورەشىسى بولىپ رۋمىنيانىڭ تورەشىسى رادۋ پەترەسكۋ بەكىتىلدى.

ويىندا رادۋعا ونىڭ وتانداستارى رادۋ گينگۋلياك پەن ميرچا گريگوريۋ كومەكتەسەدى. ءتورتىنشى تورەشى – مارتسەل بيرسان.

قازىر تۋرنير كەستەسىندە ءتورت ماتچتان كەيىن ن توبىندا فينليانديا مەن قازاقستان قۇرامالارى 9 ۇپايمەن قاتار كەلەدى. قوسىمشا كورسەتكىشتەر بويىنشا عانا سۋومي ەلىنىڭ باس كومانداسى الدا تۇر.

ماتچ استانا ۋاقىتىمەن كەشكى ساعات 20.00-دە باستالادى.

كوماندالار ماتچتان ءبىر كۇن بۇرىن «استانا-ارەنا» ستاديونىندا اشىق جاتتىعۋ وتكىزەدى.

داستان كەنجالين،

استانا