پۋتينتسەۆا وساكا ءتۋرنيرىنىڭ شيرەك فينالىنا شىقتى

قازاقستاننىڭ ەكىنشى، الەمنىڭ 88-راكەتكاسى يۋليا پۋتينتسەۆا جاپونيانىڭ وساكا قالاسىندا ءوتىپ جاتقان  WTA 250 ءتۋرنيرىنىڭ شيرەك فينالىنا شىقتى.

پۋتينتسەۆا ەكىنشى اينالىمدا دۇنيەجۇزىلىك رەيتينگتە 171-ورىندا تۇرعان رەسەيلىك ۆالەريا ساۆينىحپەن ويناپ، ونى 6:1، 6:2 ەسەبىمەن جەڭدى.

ماتچ ءبىر ساعات 19 مينۋتقا سوزىلدى. وسى ۋاقىتتا پۋتينتسەۆا 1 ەيس جاساپ، 7 برەيك-پوينتتىڭ بەسەۋىن پايدالانا ءبىلدى. ۆالەريا ساۆينىح 1 ەيسپەن عانا شەكتەلدى.

يۋليا پۋتينتسەۆانىڭ شيرەك فينالداعى قارسىلاسى كەيىن انىقتالادى.

داستان كەنجالين،

استانا