Jánibek Álimhanuly «Kanelony» jekpe-jekke shaqyrdy (VIDEO)

Orta salmaqta WBO belbeýiniń ıegeri Jánibek Álimhanuly ekinshi orta salmaqtaǵy álemniń absolıýtti chempıony Saýl «Kanelo» Alvaresti jekpe-jekke shaqyrdy. Ol ES News arnasyna bergen suhbatynda «Kanelony» birinshi raýndta nokaýtqa jiberip, jeńetinin aıtty.

-Onyń istep jatqany bizdene qashýdyń amaly ǵoı, — dedi Jánibek Álimhanuly.

-Ol qorqa ma?

-Iá, árıne, qorqady. Qoryqqannan keıin sondaı áńgimeler aıtady ǵoı.

-Erteń bokstassań ne bolady?

-Ony qazir baryp bokstassam da qulatamyn.

-Neshinshi raýndta?

-Birinshi raýndta.

-Men ózimniń qazaq stılin álemde, tarıhta qaldyramyn. Sol úshin jumys istep jatyrmyz. Baar eńbegim soǵan arnalyp otyr.

Jekpe-jek aldynda jankúıerlerge ne aıtasyń?

-О́te qyzyqty jekpe-jek bolady. О́zimizdiń stıldi álemge tanytýda ári qaraı jumys isteımiz. Bar kúshimizdi salamyz. Osy jekpe-jekte nokaýt kútesizder.

-«Kaneloǵa» ne aıtasyń?

-«Kanelo», kezdeseıik, bokstasaıyq! Bizdiń qazaq stıldiń dámin kórsin! 14 qazanda óte qyzyqty jekpe-jek bolady. Germanııalyq qarsylaspen judyryqtasamyn. Qudaı qalasa, qoldaý kórsetińizder! Tileýles bolyńyzdar! Duǵada bolyńyzdar. Inshalla, eki tıtýlmen elge qaıtamyz.

-Nege «Kanelony» birinshi raýndta qulatamyn dep aıtasyz?

-Onyń eshnársesi qalmady. Onyń taktıkasy eskirdi. Bizge qoldanatyn taktıkasy joq, shyny kerek, ol bizdi uryp ta úlgermeıdi. Sony ashyq aıtý kerek. Keshegi sońǵy jekpe-jegin kórdińizder ǵoı.  — dedi boksshy.

Odan keıin ol brıtanııalyq Krıs Iýbenkti de birinshi raýndta qulatatynyn aıtty. «Ol da menen qashyp júr. Ol menen qorqady. Men ony dál qazir nokaýtqa túsiretin edim. Kezdessek, birinshi raýndta qulatamyn», — dedi boksshy.

Jánibek Álimhanuly kelesi jekpe-jegin germanııalyq boksshy Vıncheno Gýaltıerıge qarsy ótkizedi. Chempıon arasyndaǵy aıqas 14 qazanda AQSh-tyń Tehas shtatyndaǵy Rozenberg  qalasynda bolady. Osy jerdegi Fort Bend Epicenter arenasynda basqa da boksshylardyń jekpe-jekteri josparlanǵan.

Germanııa boksshysy Vıncheno Gýaltıerı — IBF chempıony. Ol osyǵan deıin shilde aıynda brazılııalyq Eskıva Falkaony jeńip, chempıon atanǵan.

Al Álimhanuly sońǵy ret mamyrda chempıondyq belbeýin AQSh-tyń Kalıfornııa shtatyndaǵy Stokton qalasynda qorǵady. Sol kezde ol kanadalyq Stıven Batlerdi ekinshi raýndta nokaýtpen jeńdi.

 

Dastan KENJALIN,

ASTANA