Iýrıı Щýkın: «Devıs kýbogynda kútpegen nátıje de bolýy múmkin»

Devıs kýbogynyń pleı-off kezeńinde 16-17 qyrkúıekte Sofııada ótetin matchqa oraı Qazaqstan jáne Bolgarııa tennıs quramalarynyń kapıtandary óz oılaryn ortaǵa saldy, dep habarlady Qazaqstan tennıs federaııasy.

Komanda kapıtany Iýrıı Щýkın qarsylasty baǵalaý kerektigin atap ótti.

Biz aldaǵy matchqa tolyqtaı daıynbyz. Aldyn ala kelip, kort pen osyndaǵy jaǵdaıǵa beıimdeldik. Bolgarııa quramasy óz kóshbasshysy Grıgor Dımıtrovsyz oınaýy múmkin. Soǵan qaramastan, quramy kúshti. Devıs kýbogy – komandalyq oıyn. Sondyqtan kútpegen nátıje de bolýy múmkin. Biz qoldan kelgenniń bárin jasap, kelesi kezeńge ótýge bar kúshimizdi salamyz, — dedi Щýkın baspasóz máslıhatynda.

Bolgarııa kapıtany Valentın Dımov Qazaqstan quramasyn básekeniń favorıti dep esepteıdi.

Qazaqstan mol tájirıbesimen jáne myqty quramymen erekshelenedi. Sondyqtan biz ony favorıt dep sanaımyz. Dımıtrovtyń joqtyǵy týraly aıtsaq, bári de kúntizbege baılanysty. Álemdik reıtıngte joǵary kóterilýge múmkindik beretin jarysqa qatyspaýǵa bolmaıdy. Degenmen jerebege deıin áli ýaqyt bar, naqtysy keıin belgili bolady, — dedi Dımov.

Qazaqstan erler quramasynyń demeýshileri — «Samuryq-Qazyna» UÁQ» akıonerlik qoǵamy jáne Sport Qory sportty qoldaý qory.

FOTO: Qazaqstan tennıs federaııasy