XIX ازيا ويىندارى: قازاقستان سپورتتىڭ 30 تۇرىنەن 305 جۇلدەنى ساراپقا سالادى

قازاقستان سپورتشىلارى XIX ازيا ويىندارىنىڭ باعدارلاماسىنا قوسىلعان 40 سپورت ءتۇرىنىڭ 30-نان باق سىنايتىن بولادى. وتاندىق سپورتشىلار 44 ديستسيپلينا بويىنشا 305 مەدال ءۇشىن جارىسقا شىعادى. جالپى بيىلعى ازيادادا 61 ديتسيپلينا بويىنشا 481 مەدال جيىنتىعى ساراپقا سالىنادى.

ازيا ويىندارىنا 524 قازاقستاندىق سپورتشى قاتىسادى. ارينە، كەيبىر سپورت تۇرلەرىنەن باسقا جارىستارعا قاراعاندا مەدال الۋ مۇمكىندىگىمىز كوپ. ءبىز ءۇشىن سپورتشىلارعا بارىنشا قولايلى جاعداي تۋعىزۋ ماڭىزدى. ول ءۇشىن بارلىق قاجەتتى جۇمىستى جاسادىق. ازيادادا سپورتتىڭ 8 تۇرىنەن: بوكس، ساداق اتۋ، قازىرگى بەسسايىس، ءجۇزۋ، برەيكينگ، كوگالداعى حوككەي، تەننيس پەن جەڭىل اتلەتيكادان پاريج وليمپياداسىنا ليتسەنزيا ويناتىلادى، — دەدى تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ.

قازاقستاندىق سپورتشىلار بوكس، دزيۋدو، تاەكۆوندو، كۇرەس، جەڭىل اتلەتيكا، ساداق اتۋ، قازىرگى بەسسايىس، برەيكينگ، بادمينتون، ترياتلون، تەننيس، سۋ سپورتى ء(جۇزۋ جانە ارتيستىك ءجۇزۋ)، باسكەتبول، ەسكەك ەسۋ سپورتى، ۆەلوسپورت، سەمسەرلەسۋ، اۋىر اتلەتيكا، گولف، گيمناستيكا، گاندبول، ۆولەيبول، قۇزعا ورمەلەۋ، ەسكەك ەسۋ، رەگبي-7، ۇستەل تەننيسى، اتۋ جانە حوككەي سايىستارىنا قاتىسادى. سونىمەن قاتار، وتاندىق سپورتشىلار 3 وليمپيادالىق ەمەس سپورت ءتۇرى: ۋ–شۋ، جەكپە-جەك جانە ينتەللەكتۋالدى ۇستەل ويىندارىندا دا جارىسقا شىعادى.

تۋريزم جانە سپورت مينيسترلىگى

فوتو: sports.ru