Kúresten ÁCh: Jámıla Baqbergenova qola júldegeri atandy

Serbııanyń Belgrad qalasynda ótip jatqan kúresten álem chempıonatynda Jámıla Baqbergenova áıelder kúresinen qola medal jeńip aldy.

Týrızm jáne sport mınıstrligi Sportty damytý dırekııasynyń habarlaýynsha, ulttyq quramanyń kóshbasshysy Polshanyń ókili Natalıa Ivona Stshalkany 4:1 esebimen jeńip, osymen úshinshi ret qatarynan álem chempıonatynyń júldegeri atandy. Buǵan deıin 27 jastaǵy sportshy 2019 jyly Norvegııanyń Oslo qalasynda jalaýy jelbiregen dúnıejúzi básekesinde, odan keıin byltyr Belgradta ótken jarysta kúmis júldege ıe bolǵan. Jámıla Baqbergenova — áıelder kúresinde mundaı nátıjege jetken tuńǵysh qazaq sportshysy.

Baqbergenova chempıonatty 1/8 aınalymnan bastap, Eýropa chempıonatynyń qola júldegeri serb Fannı Nagıdyń jaýyrynyn jerge tıgizip, sosyn, reseılik Ksenııa Býrakovadan 7:1 esebimen aılasyn asyrdy Alaıda jartylaı fınalda Davaanasan Enh Amarynǵa jol berdi.

Osy rette Jámıla Baqbergenova 72 kg salmaqta Azııa chempıonatyna úsh ret jeńip alǵan tuńǵysh qazaq sportshysy ekenin de aıta keteıik. Qazir onyń enshisinde Azııa chempıonatynyń bes medali bar. Ol 3 altyn, 1 kúmis, 1 qola júldeniń ıesi.

Jámıla Baqbergenova álemchempıonatynan keıin ulttyq quramamen elge oralyp, Qytaıda ótip jatqan HIH jazǵy Azııa oıyndaryna daıyndyqty bastaıdy. Hanchjoý qalasynda ol Olımpıada baǵdarlamasyna kiretin 76 kg salmaqta baq synap, tájirıbeli Elmıra Syzdyqovanyń ornyn basady.

Jalpy Serbııa astanasyndaǵy álemdik doda 24 qyrkúıekte máresine jetedi. Onda  77 memleketten jınalǵan 1 000-ǵa tarta sportshy álem chempıonyn anyqtap jatyr.

Shamken BAIYRBEK,

ASTANA

FOTO: facebook.com/musagali.taskaliev

Týrızm jáne sport mınıstrligi Sportty damytý dırekııasy