قازاقستان دەلەگاتسياسى ازيا ويىنداردىڭ اشىلۋ سالتاناتىنا قاتىستى

قىتايدىڭ حانچجوۋ قالاسىندا XIX جازعى ازيا ويىندارىنىڭ سالتاناتتى اشىلۋ ءراسىمى ءوتتى. ءىس-شارا 80 مىڭ ادامعا ارنالعان «ۇلكەن لوتوس» دەپ اتالاتىن وليمپييالىق سپورت تۇرلەرىنىڭ ورتالىق ستاديونىندا بولدى.

ازيادا-2023 اشىلۋ سالتاناتىنا قحر توراعاسى سي تسزينپين، سونداي-اق  تۋريزم جانە سپورت ءمينيسترى ەرمەك مارجىقپاەۆ، ازيانىڭ ونداعان ەلدەرىنەن شاقىرىلعان كوشباسشىلار مەن لاۋازىم يەلەرى قاتىستى.

اشىلۋ سالتاناتىندا تەاترلاندىرىلعان قويىلىمدار، تسيفرلى وتشاشۋ جانە ازيا ويىندارىنىڭ الاۋىن جاعۋ ءراسىمى مەن كوماندالاردىڭ شەرۋى بولدى. قازاقستان قۇراماسىنىڭ ساپىندا  بوكستان الەم چەمپيونى اسلانبەك شىمبەرگەنوۆ جانە جەڭىل اتلەتيكادان الەم چەمپيوناتىنىڭ قولا جۇلدەگەرى نادەجدا دۋبوۆيتسكايا مەملەكەتتىك تۋدى كوتەرىپ شىقتى.

بۇگىن سارى قۇرلىق XIX ازيا ويىندارىنىڭ اشىلۋ سالتاناتىن تاماشالادى. ءبىزدىڭ كوماندانىڭ الدىندا جانكۇيەرلەردىڭ ءۇمىتىن اقتاۋ جانە وتكەن ازيادا ناتيجەلەرىنەن اسىپ ءتۇسۋ مىندەتى تۇر. قازاقستان قۇراماسى بۇل جارىستارعا ۇزاق ۋاقىت دايىندالدى، بىراق جۇمىس مۇنىمەن اياقتالمايدى. سپورتشىلار مەدال ءۇشىن كۇرەسەدى، ال ءبىز ءوز كەزەگىندە شەتەلدىك ارىپتەستەرىمىزبەن بىرقاتار ەكىجاقتى كەزدەسۋلەر وتكىزۋگە نيەتتىمىز،– دەدى تۋريزم جانە سپورت ءمينيسترى ەرمەك مارجىقپاەۆ.

ەسكە سالساق، حانچجوۋداعى ازياداعا قازاقستاننان سپورتتىڭ 30 تۇرىنەن 524 سپورتشى (262 ەر جانە 262 ايەل) قاتىسادى. ونىڭ 27-ءسى وليمپيالىق باعدارلاماعا، قالعان 3-ءى وليمپيالىق ەمەس سپورت تۇرلەرىنەن سىنعا تۇسەدى. سونىمەن قاتار، الداعى جارىستاردا 8 سپورت تۇرىنەن، اتاپ ايتقاندا، بوكس، ساداق اتۋ، قازىرگى بەسسايىس، ءجۇزۋ، برەيكينگ، كوگالداعى حوككەي، تەننيس جانە جەڭىل اتلەتيكا بويىنشا پاريج وليمپياداسىنا  ليتسەنزيالار وينالادى.

جالپى العاندا، ازيانىڭ 45 ەلىنەن 15 مىڭنان استام سپورتشى 40 سپورت تۇرىنەن 481 مەدال جيىنتىعىنا تالاسادى.

تۋريزم جانە سپورت مينيسترلىگىنىڭ ءباسپاسوز قىزمەتى

فوتو: تۋريزم جانە سپورت مينيسترلىگى