SportPress.kz Qazaqstan sport jańalyqtary
Qytaıdyń Hanchjoý qalasynda XIX jazǵy Azııa oıyndarynyń saltanatty ashylý rásimi ótti. Is-shara 80 myń adamǵa arnalǵan «Úlken lotos» dep atalatyn olımpııalyq sport túrleriniń ortalyq stadıonynda boldy.
Azıada-2023 ashylý saltanatyna QHR tóraǵasy Sı zınpın, sondaı-aq týrızm jáne sport mınıstri Ermek Marjyqpaev, Azııanyń ondaǵan elderinen shaqyrylǵan kóshbasshylar men laýazym ıeleri qatysty.
Ashylý saltanatynda teatrlandyrylǵan qoıylymdar, ıfrly otshashý jáne Azııa oıyndarynyń alaýyn jaǵý rásimi men komandalardyń sherýi boldy. Qazaqstan quramasynyń sapynda bokstan álem chempıony Aslanbek Shymbergenov jáne jeńil atletıkadan álem chempıonatynyń qola júldegeri Nadejda Dýbovıkaıa Memlekettik Týdy kóterip shyqty.
Búgin sary qurlyq XIX Azııa oıyndarynyń ashylý saltanatyn tamashalady. Bizdiń komandanyń aldynda jankúıerlerdiń úmitin aqtaý jáne ótken Azıada nátıjelerinen asyp túsý mindeti tur. Qazaqstan quramasy bul jarystarǵa uzaq ýaqyt daıyndaldy, biraq jumys munymen aıaqtalmaıdy. Sportshylar medal úshin kúresedi, al biz óz kezeginde sheteldik áriptesterimizben birqatar ekijaqty kezdesýler ótkizýge nıettimiz,– dedi týrızm jáne sport mınıstri Ermek Marjyqpaev.
Eske salsaq, Hanchjoýdaǵy Azıadaǵa Qazaqstannan sporttyń 30 túrinen 524 sportshy (262 er jáne 262 áıel) qatysady. Onyń 27-si olımpııalyq baǵdarlamaǵa, qalǵan 3-i olımpııalyq emes sport túrlerinen synǵa túsedi. Sonymen qatar, aldaǵy jarystarda 8 sport túrinen, atap aıtqanda, boks, sadaq atý, qazirgi bessaıys, júzý, breıkıng, kógaldaǵy hokkeı, tennıs jáne jeńil atletıka boıynsha Parıj Olımpıadasyna lıenzııalar oınalady.
Jalpy alǵanda, Azııanyń 45 elinen 15 myńnan astam sportshy 40 sport túrinen 481 medal jıyntyǵyna talasady.
Týrızm jáne sport mınıstrliginiń baspasóz qyzmeti
FOTO: Týrızm jáne sport mınıstrligi
